Sinoč,nočas,oli jutros,uglavnon je bilo po mraku,na školi su razbili stakla. Jeli to bija koko nezadovoljan ocjenon,jidan jer mora odit u školu,koji divljaci,sada popularno zvani vandali,neko kome je bilo dosadno ili se to nikomen parilo ka fora,neka osveta,napravija to koko iz hira,za dišpet ovo učinija… neznan,ali je za svaku osudu i jema več dugo,duuugo vrimena da se ovako slično u školi nije dogodilo.

Svako malo more u Sučurcu vonja po nafti,a zbog ote nafte nan je cilo opiturano u duginin bojan, počelo je u petak,a vidilo se i danas.  

Biče koko misli da se ja ovo zafrkajen? Ne! Odavna nisan bija ovako ozbiljan. O čemu se radi? A o tomen da je član Mjesnoga odbora Željan Jurlin zbog jednoga nastaloga problema zva na mobitel presjednika Mjesnoga Odbora pa da ovi sazove sastanak MO-a di bi se o novonastalomen momentu raspravilo,ali se presjednik u prošlu sridu nije javija na poziv,niti kasnije nazva,to je bilo u sridu,a u četvrtak ga je…

Po ko zna koji put ljudi ča stojidu u Getu su bojazno gledali dokle če se more penjat,eto, ovi put je dobro prošlo,sriča da je bilo mirno,nije bilo lebičade oli garbinade,a ni kiša nije padala. Dokle če ovi ljudi bit u straju oče li jin more u kuče ulazit,to niko nezna,ne naslučuje se baš nešto da bi se to moglo sredit,ali eto mi ka opozicija u novomen sazivu Mjesnoga Odbora…

A jema več lipo daan da na ovemu mistu na rivi je cilo vrime mokro,a razog je ti ča iz prskalice voda gre vanka,pa bi bilo dobro to popravit.

Za one ča jin nije jasno zašto san meka ovakvi naslov, neka ovo štivo pročitadu do kraja pa če jin bit. Ko je Jean-Michel Nicolier? Francuski mladič-dvadesetpetogodišnjak koji je dragovoljno doša u Hrvatsku i pridružija se našima obranbeniman snagama u Domovinskomen ratu. Zašto? Dokle je bija u Francuskoj na televiziji je gleda ratna razaranja i strahote koje su neprijatelji činili po Hrvatskoj i nije moga mirno sidit nego je reka…

Nakon ča nan je napunilo glavu kako je oni nevaljali socijalizam zločesto društveno uređenje “dobili” smo demokraciju, uz koju smo sa zapada “uzeli” sve ono najgore ča nan je kad smo gledali na filmoviman bilo nestvarno i mislili,ma to je samo film,ali nije,jerbo smo te blagodati o ostajanju bez imovine,kopanju po kontejneriman,dobivanju otkazi priko sms poruke…,osjetili na vlastitoj koži,pa nan je onda usput “uvalilo” i Valentinovo,Noč vištic,pa nan to sve…

Oni doli zanji tamarin na Sokolani bi tribalo okinit,jerbo mu je deblo cilo rascvitano i samo je pitanje vrimena kad če se samo od sebe srušit.

Nakon ča je Split to počeja jema več par miseci mečat i u nas je prošli petak doli na rivu uz znak od parkirališta za invalide meklo i sliku osobe u invalidskiman koliciman. Puno nji se pita,a ča jemadu mečat slike,oli nije dovoljno ča su znak mekli? A nije,jerbo jema puno oni ča jemadu ote invalidske karte za aute,a ni blizu nisu od potribe za na oto misto parkirat,pa se…

Opet tamo u zgradaman nasuprot Bobisa sinoč nakon kiše ponovno ista stvar,ljudiman je isto ka ča je to bilo naza misec ipo daan u stan počela ulazit voda,pa su naši vatrogasci došli sa punpaman to isplimat.Naravno,opet isto pitanje ka i zanji put,dokle če se ovo ovako ponavljat,a sve je počelo nakon oni radov okolo kanalizacije ča su se tote odvijali i ljudi ča tote stojidu govoridu da se biče u…