Da oli nisan vidija kako je Jerčićeva dobila novu rasvjetu?

Datum:February 12, 2020 1:05 am
Komentari
Komentiraj

I da kako to nisan pofalija?A jesan vidija san jema desetak daan da jin je napokon prosvitlila javna rasvjeta,jerbo ono do sad šta je bilo jema pet,šest,…godin,je bilo sve samo ne rasvjeta,jer je, iako je oto rasvjete gorilo, vidljivost bila takva da je tribalo lanpadine užižat za vidit di češ odit. I onda sad triba na sva zvona udrit kako se oto rasvjete napokon dovelo u ured?Možda da je bilo zahvalnice poslat?

Pa onda opet ovi na me,a ča je zna si govorit kad če se sredit,a sad kad se sredilo opet nevalja?
Ma čekaj malo,znaš isto ka i ja kako je to tamo uvečer izgledalo,znan,znaš isto ka i ja da je to tribalo več davni godin napravit,znan,znaš isto ka i ja da su oni doli ča sididu u opčini tote zbog nas,a ne mi zbog nji,znan,znaš isto ka i ja da se svaki od nji kad su izbori trsi da baš njega izaberemo jerbo da če nan upravo on riješit probleme zbog koji i jesu tote di su,znan,e i ča bi sad ti tija da ja? A pa znaš isto si moga bija ono ka je li…
A zna šta,šta pita ovi,a evo ču ja fermat.

Evo na slike od nove led rasvjete koja troši znatno manja od dosadašnji žarulj:
IMG_1285

IMG_1287

Da ča je ona bila škatula šta je jema par dan meklo ispid zgrade od opčine

Datum:February 10, 2020
Da ča je ona bila škatula šta je jema par dan meklo ispid zgrade od opčine

A to Van je stanica za mirenje kvalitete zraka. I ne,nije to Sučurac napokon dobija otu mirnu stanicu,ona je u selu jema jednu sedan osan godin,samo ča su joj prominili lokaciju. Do sad je bila na pilani.

Otvori ...

Kako je to bilo na utaknici od Ajduka i Lokomotive

Datum:February 9, 2020
Kako je to bilo na utaknici od Ajduka i Lokomotive

Evo na,počelo je i drugo polugodište od nogometa,znate to je oni sport u kojemu dvadeset nji trče za mijuron sa ciljen da ga turnedu u gol,dokle oni ča stoji na branci od sebe čini šimiju za da bi ji u tomen naumu spriječija,a kad u tomen ne uspije i oni iz suprotne ekipe da gola,onda se nji jedanajst počmedu grlit i ljubit,a publika,oduševljeno skandira,dere se i veseli,naravno,to se dogodi ako…

Otvori ...

A zašto sad vamo izlazi kanalizacija?

Datum:February 7, 2020
IMG_0871

Da tamo ispod crikve izlazi kanalizacija u more,to smo ka več navikli,ali se počelo događat da sad i ovamo,na sjeveroistočnomen bogenu od Rive-di se,nazovimo šetnica, ča gre od Malega Mula spaja sa Rivon,a tote nikako nebi smilo izlazit,jerbo je oti dijal kanalizacije ča dolazi odozgara iz pravca Kajinoga briga,spojen u EKO sustav. Pa je jučera kad san doša na Rivu bilo,da di san više,da koja su govna izlazila,ovo je sad…

Otvori ...

Šta ste Vi iz Mjesnoga odbora učinili zbog onoga paljenja nikidan na groblju?

Datum:February 6, 2020
IMG_0640

Česta su pitanja u selu.A ča mene pitate,pitajte večinu u Mjesnomen Odboru. Čekamo da se predsjednik udostoji zbog toga sjednicu sazvat,ali pošto u tomen biče ne vidi nikakvi problem,zbog toga sjednicu sigurno neče ni sazvat,jer da je mislija bija bi. A ča onda tamo stojiš kad ništa ne moreš učinit.E to je baš dobro pitanje i ča je najgore od svega u niko tamo dogledno vrime bit če,a i ti si…

Otvori ...

Da ča mi iz Mjesnoga Odbora ne spriječimo ono užižanje gori na groblju?

Datum:February 3, 2020
IMG_06401

Jutros je po selu bilo žestoke polemike i to najranije u osan uri,kad se je vidija prvi dim iz pravca groblja i odma se znalo da to užižedu ono smeče ča su ga u petak donili,a bome i jutros su otemu i novo pridružili.Bolje da ne pišen ča su ljudi sve govorili,to ču van pustit mašti na volju. A ča se sve užižalo? Lakše bi bilo nabrojit šta nije,ali evo…

Otvori ...

0202/2020 Asti kako su se lipo poklopili datum i godina

Datum:February 2, 2020
035

Sa koje ko bande brojeve gleda dođe ti na isto,a ka ča to po običaju gre i o ovomen datumu su svašta govorili da bi se tribalo dogodit,neču niti spominjat,samo znadu strašit ljude,ali dobro je i ovi put su falili. Ali je zato sigurno da svake godine drugoga veljače na Sviječnicu u Američkomen gradiču Punxsutawney bude tako živo da se brojka od šest iljad stanovnika diko zna popet i na…

Otvori ...

Opet danas,pet manje tri minute popodne

Datum:February 2, 2020
IMG_0593

A govoridu mi da je bilo još gore okolo podne manje kvarat i da o smrada nisi moga živit.

Otvori ...

Zvalo me jučera,ej ti iz Mjesnoga Odbora,di si?

Datum:February 1, 2020
Zvalo me jučera,ej ti iz Mjesnoga Odbora,di si?

Bilo je to ura ipo,ovi put popodne,zove me jedan,di san,doma obidvajen,a boje da si ti doma,a gori kraj groblja iskričedu smeče,koje smeče,neznan,evo i mene je zvalo,govori mi ovi,aj pa kad budeš moga poj slikat. I evo san slika,spominje se da če to ovde užižat?? Malo mi je čudno to ča mi je ovi drugi reka,ali eto pratit čemo ča če se dalje sa ovin događat,pa čemo bit pametniji.

Otvori ...