Pa mi se ni okolo najobičnijega čepa ne moremo složit
Kad san tamo krajen šestoga miseca bija u Italiju,prvi put san se susreja sa bocon sa koje se ne more skinit odvidani čep,gleda san nikako čudno u oto čepa,ali san na kraju skupa s njon zaključija,da je to biče falinga u proizvodnji,kako smo na proputovanju minjali gradove,a svaka kupljena boca je imala tu istu “falingu”,nas dvoje je zaključilo kako to nije tehnička greška,več je to namjerno napravljeno,e a sad kad smo došli do toga zaključka,ona odma da kako je to nervira,ide se napit pa je čep tuče u oko,a meni se ota ideja učinila puno dobron,jerbo više neče svugdi okolo bit oti plastični čepi,a kad ideš vratit otu bocu i čep če bit š njon.
Ali kako se nas dvoje nismo mogli složit,tako vidin da svak po pitanju ovega čepa spojenoga za bocu,jema svoju pecetu za bacit,samo da se koko još ne potuče za radi toga. 😀
Ovako je to bilo na fešti ča su je učinile maškare
Ovi petak je u selu bila fešta o maškar. Eto vidiš,mislija san se fermat samo na ovoj gori prvoj rečenici,jerbo mi uvik pribotunadu,zašto si napisa ono nako,zašto ovo vako,pa onda da preferiran ovega ili onega,a znate ča,a ajdete lipo … Bilo komen drago oli ne,maškare kad činidu u selo feštu,a tako je i ovi put bilo,jemadu najviše svita,oliti ga posjetitelji,a ovo ča se tiče ponude spize,sve su to nijanse,jerbo ča…
Otvori ...
Kako ono ide,šta gluplji seljak,to veči kunpir
To je poslovica koja se več odavna pripričava,zanimljivo kako je svake godine priča okolo kunpira sveprisutna,počevši od onoga,jesi li posadija kunpire,vidi kolika je več u mene cima-stabljika,do one na zanju,koliko je ko količinski kunpiri izvadija,a uz to i puvanje ko je večega uzgojija,a pa eto,kad se več falimo,onda moran reč da smo mi ove godine jemali trofej od šezdesettri,sedan deki,e,a moran priznat kako se “Ona” večinu vrimena bavila okolo tega…
Otvori ...Zašto se nije skinilo zelenilo sa starega kanpanela?
Kad su se u šesti misec konopiman penjali po staremu kanpanelu i uz pomoč kamiona sa korpon,skidali sa njega rasvjetu u tomen textu san turnija i sliku zelenila koje na kanpanelu veselo reste,a zanimljivo,oni koji je naručija radove skidanja ote rasvjete,nije se sitija kako bi,kad su ljudi več tu na kanpanelu,bilo dobro da se skine i zelenilo koje po kanpanelu reste,jer,nečemo sad oba tomen kako to nije lipo za vidit,več…
Otvori ...Bome smo postali pravo turističko misto
Svrstali smo se uz bok sa Bolon i ostaliman turističkiman destinacijan,evo npr. na Bolu se ljudi kupadu usrid sride luke,di izlazidu ulazidu brodovi,a nikidan u naše selo vidin ispod crikve kako se stranci kupadu,samo ča je u odnosu na druga mista,npr.Bolu,ovde di su se ovi momci kupali,na dvadesetak metri dalje ispust od kanalizacije di nas svakodnevno znadu vizualno i mirison uveseljavat govna koja tote izlazidu,ali eto,bar je sriča da dokle…
Otvori ...Spomen ploča poginuliman u bonbardiranju nije branka
U selo se priča kako se nikidan na društvenin mrižan povela polemika okolo one doli spomen ploče ča se nalazi na staremu kanpanelu na kojoj su imena oni ča su u Drugomen Svjeskomen ratu poginili u bonbardiranju našega mista i odma na početku,za one ča jin je to tamo niki komad kamene ploče ispisan sa sloviman da razjasnimo,nije to niki komad kamena ispisan sloviman,to je misto obilježje za nevine žrtve…
Otvori ...
Ovako je to u ovi petak bilo na Mašo šefu
U ovi petak se u naše selo dogodija Mašo Šef,na kojemu je kuvalo sedan,ča Udrug,šta društav koji su se natjecali za simbolične nagrade,dok je osmi obrok sprema Mjesni Odbor,točnije rečeno,za nas je kuva pobjednik prezanjega Master Šefa,onega pravoga, sa televizije,Ivan Temšić koji je pripremija hobotnicu sa slanutkom i naravno,Mjesni Odbor je bija izvan konkurencije,nije se natjeca,ko more protiv nas,ka malo smo učinili u ovi protekli osan miseci,od kako smo na…
Otvori ...
Komentiraj