Kako su se pozatvarali trgovački centri roditelji su uspili pronač dičinja igrališta na otvorenome (aaaaa,discavery),a pošto zbog situacije sa korona viruson nije priporučljivo da se na jedno misto skuplja puno svita,jednostavno se donila direktiva da dičinja igrališta triba zatvorit,pa čak se govori da se više neče moč igrat ni vanjska košarka,oli balun. I tako je danas sve tobogane,ljuljačke,gingalice… u selu omotalo trakaman,ali jema i oni ča su te trake,makli da…

Zove me danas jedan na mobitel pa me pita,da ča če se ono gori u Gorici radit pa su se našli oni iz Cemexa sa Gradonačelnikon,a i još jedan ča me je trevija o istomen govori. A ča ja znan,a kako neznaš,a oli nisi u Mjesnomen Odboru,a da ideš ti malo,a,a koga ču onda pitat,moju mater govori mi ovi drugi,a baš super,pa kad ti reče javi mi se na mobitel…

Znate one stope od betona ča ji je učinilo jema puna tri miseca,e na dvi je meklo ljuljačku i gingalicu,a uz ove ostale betonske stope se iskopa “aneks” i nalija betonon.

A to se činidu stope za postavit sprave za da se dica moredu tote igrat- (tobogan,penjalice,spuštalice,gingalicu…).