U subotu su naši ribari zajedno sa roniociman od naši vatrogasac,pa Rek Hvidre iz Splita,Rek iz Solina i Pik Mornar,ča oče reč sve skupa okolo dvanajst ronioci čistili morsko dno na Sokolani,Gojači i na potezu od crikve do opčine i ka po običaju,našlo se tote svega blaga,jerbo kad kome ča ne triba,najlakše mu je u more turnit.

A ča ste mislili da je s ovin sve gotovo? E nije,ipak je ovo Sučurac i u njemu uvik jema na svaku priču čako za nadožuntat,pa se tako dogodilo da za ovu akciju predsjednik o ribari nije obavijestija Kurobasu,pa mu je je ovi reka da kad je tako, od danas neka zaboravi na njega i još mu je doda da je Gojača bez Kurobase ka Barcelona bez Mesija.E.

Ali,Kurobasa nije moga izdržat,pa kad je akcija od čiščenja bila gotova onda je navuka odijelo i tamo blizu Mislavove gajete zaronija i izvuka školjku od zahoda i naglasija da je oti trofej za Slobu- presjednika od ribari.