Google
464

Još malo o znakoviman po našemu selu

Datum:May 31, 2017 4:30 pm
Comments
Komentiraj

Ono raskršče ispod crikve je prilično opasno jerbo na dvi strane jemadu znakovi prema kojiman se vozači moredu ravnat (Novi put i iz pravca sela) dok ona cesta šta gre iz pravca Sokolane,nema ama baš nikakvi znak,tako da oti vozači puno puti neznadu šta če i kako če,jer u prometu nima ništa gore nego kad na određenomen raskršču pojedine ulice jemadu,a nike nimadu znakove,bilo bi najbolje da ji nima nikako,jer se onda zna pravilo desne ruke,a ovako oni ča bi po tomen pravilu jema pravo prolaza ne more to napravit,jerbo nezna kakvi je znak onomiman u ostale dvi ulice,a zanimljivo je da ovde več oho ho nima znaka,a još zanimljivije je da nije stavljen ni lani,kad su se po selu stavljali novi znakovi? I koliko nji mi je reklo da ovo triba objavit,a moran priznat da san se i ja puno puti na ovomen mistu naša u situaciji da neznan ča ču,pa se onda sa ostaliman vozačiman na mote dogovaraš kad če i di če ko.

Na ovoj doli slici se vidi da ovi iz pravca sela mora stat jerbo mu je tote znak stop.

032

Na ovoj doli slici se vidi da oni ča salazi niz Novi put jema prvenstvo prolaza kad gre desno.

109

A na ovoj doli slici se vidi da ovi ča dolazi iz pravca Sokolane kad dođe na ovo raskršče nima pojma ni di če, ni ča če, niti kako če.
033

Ispeci pa reci:

2 Comments add one

  1. miritan i ja sta rec says:

    To ce odma sutra

  2. mudrajko says:

    Proša malo pri nisu još. Možda će prikosutra?????

Komentiraj