Vidili ste nikidan ča su one bube učinile palmi isprid škole,sataru je tako da u sredini ostane sama pilotina i onda jednostavno padne sama od sebe,e,a sad pošto znamo da Marfi nikad ne spava (mislin na Marfijev zakon),mala je vjerojatnost da se pri padanju oti palmi neče dogodit koja dežgracija i da neče koga poklopit,ali zato triba ono ča se reče,radit preventivno i sve one palme ča su se osušile odma ispilat.

Evo npr.na ove doli slike vidičete jedan zapušteni prostor sa takvon jednon palmon radi čega je susid ča stoji u blizini zva komunalne redare,jerbo ga je straj da kad ota palma bude padat,ne padne vamo na ovu stranu di je on,a i radi žice od struje koja je nakon razbivene konzole došla na visinu di je se more rukon dotaknit,pa postoji mogučnost da koga i struja plesne,redari su došli za po ure,slikali zapisali i sad samo ostaje za vidit ča če se učinit.

A ova doli slika ča če te je vidit je slikana nikidan na Brižinan di je isto tako ota izgnjijala palma sa privatne parcele pala na cestu. Sriča nikome se nije ništa dogodilo.

A da se ovakve situacije padanja palmi i to sa možebitniman posljedican ne dogodidu,tribalo bi po selu okinit sve ove ča ji je izilo,a jema ji tamo par na Gospici,ispod Đardina…