Ovde ništo triba hitno učinit
Radi se o semaforiman tamo kraj škole na kojega su roditelji več nikoliko puti upozoravali nadležne da ga nariktadu pa bi posli toga par dan bilo u redu,a kasnije se opet vrati sve na staro. O čemu se radi?a o tomen da kad se oniman ča vozidu glavnon ceston upali crveno za stat,ono svitlo za pješake je isto tako crveno,a dica čekadu kad če se upalit zeleno,jerbo su učili da radi svoje sigurnosti prolazidu priko ceste samo kad na semaforu za pješake gori zeleno. E i ča se događa na ovemu semaforu? a to da stojidu aute,ali isto tako stojidu i dica i onda provajedu stisnit oni botun ča je tot za pješake,ali onda je kasno jerbo ga je tribalo pritisnit prije. I ča se dalje događa?a to da se dica onda uvatidu trčat priko ceste,a puno puti se dogodi da se to poklopi taman kad se vozačiman upali zeleno za krenit,e i da se ne dogodi koja dežgracija ovi semafor triba nariktat da kad se upali crveno za aute,onda upali i zeleno za pješake,a pošto se nakon nariktavanja to zna poremetit triba zadužit neku službu koja če oti semafor jemat u svomen radnomen zadatku i kad se semafor poremeti nazvat onoga ko ga održava da ga dođe opet nariktat.
Inače ona dva semafora šta su na sporedniman puteviman koji se križadu sa glavnon ceston cilo vrime uredno radidu na principu,crveno za aute,zeleno za pješake.
Ništo bi tribalo ovde stavit
Kako nima onega drveta ča ga je srušila bura na oto misto sad parkiradu aute,a ča je najgore dogodi se da se i ne ide za otin pa diko zna i trečina,a diko i po aute viri vamo na cestu tako da bi tribalo čako stavit da se ka nikako mehanički odili ovo je ovo,a ovo je ovo.E.
Otvori ...
Podvorje če opet izgledat ka ča je to bilo tamo okolo 1700 i nike godine?
Ovo kako su na Podvorju počeli radovi okolo postavljanja cijevi za kanalizaciju i od kako se ukaza na 45 centimetri ispod asvalta obalni kameni zid od prve Sučuračke luke koja je tot bila tamo nigdi okolo 1700 godine sve više se čuje da se razmišlja kako bi se oto područje vratilo u stanje kakvo je onda bilo,a tome ide u prilog i več od prije zatvoreni promet prema staromen zvoniku…
Otvori ...A zašto nije opet posađeno stablo?
Več nikidan je počela rasprava o tomen oče li tote opet doč stablo ili če to asvaltirat,pa je kad su prosuli žalo i izravnali jedan reka da se to mislidu ča če meknit,smokvu,barakokulu,a ovi mu drugi upada u rič pa govori je, mekničedu bananu,oli možda avokado ovo čedu oni asvaltirat, eto ča če,ma neče,oče,ma nevirujen da oče,virova ti oli ne virova to če ti bit oto. I je, pogodija je,asvaltiralo…
Otvori ...
Sučurački križni put
Jučera su Sučurani od Gospe na Hladi do crkvice Svetoga Jure na Putalju prošli križni put. Učinija je lipi sunčani dan iako kad smo se popeli na Juru tražila se zavjetrina jerbo je bura puno lipo puvala,a baš ta bura zadala je probleme grupici branitelja koji su u petak postavili križeve,a koji su pod udariman bure u subotu bili na podu pa su ji popravljali,inače ta grupica od tri branitelja…
Otvori ...Pojavija se zid od prve Sučuračke luke
Kako su danas počeli kopat za kanalizaciju Doli na ulazu u Podvorje počeja se nazirat jedan lipi kameni zid koji je u prošlosti bija dijal obale jerbo je tamo nigdi 1700 i nike godine onamo di je sad na podvorju cesta između kuč bilo more,a ovi zid ča ga vidite na slikan je zid od tadašnje luke koja je tote bila. E,i kako dalje budedu prema uzgor kopat oti zid…
Otvori ...Danas je dan sriče, dan od pomrčine i prvi dan proliča
Evo je danas nakon šesnajst godin opet bila djelomična pomrčina Sunca koja je ovde u nas bila vidljiva oko 53%,a sljedeča djelomična biče 2021 godine,dok če potpuna pomrčina u nas bit vidljiva 2081 godine (eno san zapisa u dlanovnik da nebi zaboravija). I na kraju, večeras bi još triba bit i super misec.
Otvori ...
Komentiraj