Plaža na Sokolani zamalo pa pari ka ona na Zlatni rat
Ajme meni ča su me satrli ovi par dan od kako je bager započeja pa onda iša ča i ostavija ono doli bidne plaže na Sokolani još gore nego ča je bilo. Udrilo po meni sa svi stran,a ča je a,ne pišeš više o onomen a?sliza se i ti š njiman a? ajde kvragu ti i ko se sliza,a ča ču pisat kad mi je čulareklakazala da čekadu da malo kala more pa čedu se onda uvatit. A je,je kalat če more, prvi je misec pa če na po metra kalat ruga se ovi. A koliko kala dobro je kalalo i ovako se dok bager radi uzmulja i ništa ne vidi,a vako kad je pod moren još manje,a i ti bi da učinedu posal nako kako triba,a ne kad učepiš u more da na koji komad betona ča je osta raskidaš nogu i onda bi bilo jebenti onega koji je bip.biiip. Znaš ča, uvatija se ovi opet, eno su sve plaže doli po Kaštiliman uredili,a ova je godinan evo vaka. Ajme ča si ti smišan,a ne moredu nikako sve od bote napravit i mora jedna ostat zanja,a to ča je baš Sokolana ostala zanja je siguro puka slučajnost. Je vražju mater slučajno,ništa nije slučajno sve je… i taman da če nastavit eto ti bagera kako gre prema Sokolani i zamisli di če nego na plažu i evo ga danas je plaža osposobljena komadi betona su pod budnin okon Slobe presjednika od naši ribari meknuti kako je reka tamo na južnu bandu do ono šetnice tako da je drži da i ono malo ča je još ostalo ne odleti u more i lipo su kasnije to sve prosuli žalon milina je gledat,a i ovomen je bilo drago pa je zasad umuka.
Ajmeeee,a da samo znate kako je to sad lipo za vidit.
Split Pride 2014
Jučera je u Splitu održana četvrta po redu Gey parada koja je prošla u najboljemu redu,ča oče reč bez ikakvi neredi,ček malo ka prvo ajmo se ča ništo dogovorit, ja ču evo ništo napisat o tome kako je to jučera bilo i naravno meknit slike,ali nemojte uopče otvarat ovi text.Zašto san sad ovo napisa?a zato jerbo svi ništo ka govoridu o tomen kako ne triba na oto obračat pažnju i…
Otvori ...Novi grb na Gojači
Na vanjskomen zidu prostorij kluba navijača Sučuračke Torcide na Gojači osvanija je novi grb od Ajduka i Torcide u jedno o kojemu su odma krenile razne rasprave. I tamo se kraj prostorij od ribari grata zid i priprema teren za novi crtež. Grb je napravija Duje Luketin
Otvori ...Split Pride
Znate da je sutra u Splitu Gay parada koja če bit pod zaštiton od oko 600 policajac tako da oni koji u glavi ima nike čudne misli lipo ostane doma,a ne da o nama piše strana štanpa ka o nikiman divljaciman,a ako stvarno ima oni ča če sutra u gradu bit sa nikiman u glavi čudniman primisliman onda je dobro da zna da ako slučajno čako misli učinit i ako…
Otvori ...Kako se činila ona knjiga o savure na Bačvice
Evo ovako: Oko knjige su radili članovi Umjetničke udruge Vlaho Bukovac zašto jin je tribalo okolo dvadeset kubikov savure. Ovo jin je na Bačvican četvrto djelo. Sičate li se ove zime kad su učinili na ovo isto misto snješka? Naravno, isto tako od savure. Glavni alat za učinit knjigu i napisat slova posli lopat s kojiman su mekli savuru na jarpu je bila štrapalica sa vodon i zrak iz konpresora.
Otvori ...Da se ne zaboravi
Po selu se govori da kako se ni ovu godinu niko nije sitija ispod ploče stavit vijenac oli buket cviča. 1. lipnja godine 1991 u Kaštel Sučurcu je osnovana postrojba „Putalj“ kao sastavnica 114 br. prve pričuvne brigade Hrvatske vojske. Ratni put i zadače postrojbe od njenoga osnutka bili su uvježbavanje i obuka u rukovanju oružjem i eksplozivima stanovnika svih sedam Kaštili,sigurnost ljudi,imovine i ostalih važnijih institucija u gradu. Prve…
Otvori ...
Kraj škole se i dalje non-stop vozi dvosmjerno
Znamo svi da je ona zapadna ulica kraj naše Osnovne škole bila dvosmjerna,a ka takva bila je velika opasnost za sigurnost dice pa se onda od nje učinilo jednosmjernu-samo prema doli i opet se vozilo prema uzgor,pa se mislilo da kad se meknedu parkirališna mista da se više neče odit prema uzgor jerbo bi parkirane aute tribale bit ka fizička prepreka da se ovi odozdala uopče uputi prema gori,ali ni…
Otvori ...Stablo je popravljeno
Ono mlado stabalce ča je bilo slomiveno na Sokolani je popravljeno. Izmotalo ga je sa ničin crnin pari ka nika folija tako da san u početku mislija da se to koko igra,a onda san se sitija da jutros nije bilo oni taklji okolo,a sad ji ima pa po tome znači da je stabalce tokon dana niko popravlja,a mi čemo naravno gledat kako če teč oporavak. I za one ča su…
Otvori ...Sređije se plaža na Sokolani
Vadi se oni zid i više nečedu tribat gojzerice za ulazit u more.
Otvori ...
Komentiraj