A ča se ovo u selo radi?
Ima par dan da kroza naše misto ozvanja tttttttt,tttttttt, ma ča je ovo pitadu se u selu,a kako češ drugačije saznat nego se zaputit prema tamo okle se oti zvuk čuje. I kako san se približava tome mistu vidija san puten jednoga gospodina kako brontula,a ča je,a oli smo počeli sami sa sebon govorit?da neka i ja gren kvragu,ajde pak,uvik san ja bidan i kad jesan i kad nisan kriv. A ovi nastavija, kako je radija treču smjenu i da od ovega ttttttt,tttttt ne more sad ubit joko,aaaa, da se tebi spava ne bi ti ovo dlakicu tttttt smetalo, govorin mu.Da neka iden,a evo gren i doša san do otega ttttt,a to u Jerčičevoj u @nene tuče pikameron i razbije stine. A ča je Sokole,a ča to činiš? A je li ti znaš da ovi ča su po noči radili ne moredu zbog tebe spavat? A je li,a reci ti meni,to on ka mene pita,a kako bi ti oto riješija,ovi radi ujutro pa bi tija počinit popodne,pa onda oti tvoj radi uvečer pa bi tija spavat ujutro,pa onda triba mislit i na one ča radidu popodne,a po tomen kad bi ja moga onda činit ovo ča sad činin?
A znaš ča? eto te tamo pa se ti sa njiman frigaj,brzo češ se dogovorit,nego, reci ti meni ča ti ovo činiš?
A ča je reč?pa sad ako ti ja rečen cilo selo če znat (znaš da mi je parilo ka da je učinija mot ka da če se u me stinon itnit),asti,a ka da san ja nika baba pa ču poč okolo govorit,samo ču koju besidu eto napisat ( ka da to ko čita),svi govoridu eno Sokol se ništo na veliko uvatija radit,a niko nezna o čemu se radi,a nije to zato ča su oni kurijožasti ili su to oni (dabogda susidu krava krepala) nego bi ti siguro došli pomoč. Ništa,od njega ni A ni B,ma san čuja ništo priko uva od onega pustoga svita ča su mu došli (ja bi vako,ja bi nako)da spominjedu financiranje i nike eu fondove,pa onda nike velnese,pa spa ovi,spa oni,i ništo da kad završi doli sa onin na putu bager gre gori izad kuče kopat rupu za bazen, i to oni olinpijski razmjeri,a sad ča če stvarno bit ko zna,samo on, nema druge nego se držat one strpljen spašen,a kad bude gotovo značemo.
Saobračajna nesriča jutros u selu
Bilo je to okolo osan ipo ujutro tamo na po puta između anbulante i Lučice. Kako oni ča san ga trevija govori, da jema bit da nije nikomen ništa,a kad san ga pita kako se to dogodilo jerbo po autan kako su ostale ne moreš ništa zaključit, onda mi je reka da je čuja samo dum,a kad je on doša vidija je ono šta sad i ja vidin.
Otvori ...Eno se zalije trava
E pa šta je tot čudno da se zalije trava?a ništa nije čudno,ma je čudno šta je to bilo jučera popodne (pet uri),a cilo jutro je kiša padala.
Otvori ...Zašto nima znaka o tonaži?
Prije godinu dan san pisa o tome da je oni znak kraj mosta ča prolazi priko jugovinilove štrike izija zub vrimena i da se na njemu uopče ne vidi dozvoljena tonaža koju most more izdržat tako da se more svatit da se tot more prolazit sa neograničenon težinon šta bi očito moglo bit opasno jer znak koji je tot bija nije zaludu stavljen. E i onda san čuja da čedu…
Otvori ...Šta učinit? pomaknit znak ili stablo?
Ima več petnajestak dan da san ukaza na ovi propust koji je učinjen pri stavljanju znaka da je tot pješački prilaz,tako da iz daljine znak nije uočljiv zbog krošnje od bora,nego tek kad se dođe do njega. Sve skupa oti znak stoji na tome mistu ima okolo trideset i pet dan,a da niko nije reagira,a tribalo bi, jer je to pješački prilaz priko kojega dnevno prođe na stotinu dice tako…
Otvori ...
Evo opet “onoga” o ranpi na Gojači
Ne triba izmišljat teplu vodu,dovoljno je vidit šta su drugi po tome pitanju napravili,a napravili su ovako: Evo ovde lipo moredu proč i pješaci i dičja kolica i invalidska. A kad triba proč auta onda se oključa i digne ranpa Eto šta triba učinit pa da motorini i aute više ne moredu na Gojaču.
Otvori ...A šta ovi šveleri radidu na cesti?
I dok je bilo razni negodovanja i prosvjedi se činili zbog paljenja šveleri u pečima o cimentar jema bit da je problem oko oti šveleri puno veči nego ča mi mislimo,jerbo se žarište problema gleda samo prema jednoj točki,a ova jarpa iskrenuti šveleri u Starčevičevoj,ulici di stojin nan je dokaz da se do oti šveleri more puno lako, kako je koga volja doč,neka se nazivadu opasnima i ko zna koliko…
Otvori ...Di se do sad falivalo?
Bilo je do sad dosta prosvjedi protiv spaljivanja šta šveleri,šta ovega i onega u cimentaraman,ali svi oni zajedno ni izbliza nisu skupili svita koliko ji je bilo na ovomen u subotu ča ga je Građanska inicijativa Splita učinila.A kad san doša isprid kazališta okolo deset i dvajstipet ništa nije ukazivalo na to da če prosvjed bit onako masovan, tek di koji aktivista ča je dilija letke i tamo u ladu…
Otvori ...
Komentiraj