Mašošef sinoč u Sučurcu
Sinoč je u naše selo održan četvrti po redu Mašošef na kojemu su spizu kuvali veliki stručnjaci iz našega sela i bliže okolice,a kako je več nakon ure vrimena sve nestalo jema bit da je to bilo dobro,jerbo su se i teče lizale,a čije je bilo najukusnije odlučija je žiri sastavljen od oni ča su kuvali uz pomoč vanjski suradnikov koji su donili odluku, da četvrto misto i set noži dobije Čovik i balota koji su skuvali Čobanac od divljači,treče misto i ka nagradu onu najmanju od tri teče dobili su Plavi vitezovi koji su sa sebon donili cilu kužinu u kojoj su skuvali Obotnicu sa njokiman,drugo misto i onu malo veču teču od ove manje teče ča su je uzeli ovi prije nji iako su imali največu teču u kojoj su kuvali,dobili su Sučuraški vatrogasci koji su skuvali Gulaš od obotnice,a prvo misto i onu naaaajveču teču koja je malo veča od ove teče ča su je dobili ovi za drugo misto i duplo veča od one ča su je dobili oni za treče misto dobila je spiza koja se zvala Vepar sa Kozjaka koju su skuvali Sučuraški planinari,Moto klub Uspomene je skuva Orzo sa junetinon,Garaža je spremila Mašokokoš (vidičete na sliku, u svakomen bataku je bilo bar dvadeset deki),Maškare 1.su učinile Rižot od kozic,a one 2.Ništo sa telečin gulašon,dok su Veterani o Jadrana pekli srdele Ala Pella,pa se lipo zaplesalo,zapivalo,zabavilo…
Samo se spustite do rive zamanete špurtilon i eto večere
A vidi cipli govnari koliko ji je na jednomen mistu sa čunkan nauzgor vatadu frišku ariju.
Otvori ...Priča selo
Ma briga me ča priča selo.Ma nije to tako “priča selo” su glasači koji svake četiri godine izlazidu na izbore i zaokružijedu liste i osobe na glasačkin lističiman.A posli otvaranja spomenika paliman braniteljiman ča je bilo u petak selo priča da se ne panti kad se ovakva sramota u Sučurcu zadnji put dogodila.Ali ajmo ča od početka i same inicijative oko postavljanja spomen obilježja paliman Hrvaskim braniteljiman koji je na…
Otvori ...Procesija užežin Velike Gospe
Jučera su u sedan uri popodne užežin Velike Gospe Sučurački vjernici od župne crkve SV. Jurja procesijom došli do Gospe na Hladi di je održana sveta Misa.
Otvori ...Svečano otkrivanje spomenika
U ovi petak u šest ipo uri popodne u našemu selu,doli na rivu isprid Bobisa biče svečano otkrivanje spomenika poginulima Hrvatskin braniteljiman koji su krenili iz našega mista u obranu Hrvatske i više se nikad nisu vratili i bilo bi lipo da se skupimo u velikomen broju i na ti način im izrazimo zahvalu za sve ča su učinili za da bi mi danas mogli uživat,a puno su učinili i…
Otvori ...
Oluja u Podstrani
Pod ovin naslovon sinoč se dogodija koncerat povodon 20-te obljetnice akcije Oluja koji je skupija okolo pedesetak iljad svita tako da je oni plato na kojemu se oto održavalo doslovce ono ča se reče puca po šavoviman. Bila je to prava domoljubna večer nabijena emocijan prisutni koji su uz pisme Prljavoga Kazališta i Miroslava Škore proslavili oti važni datum naše novije povijesti. Odma sa prvin taktoviman Prljavaca nisan moga ne…
Otvori ...
Komentiraj