Oče li brzo bit gotovo?
Do koje faze su došli radovi na postavljanju,spajanju i prispajanju cijevi od kanalizacije ča se jema več,a do koji dan če bit i tri miseca radi,zbog čega je ona cesta između ranpe i vatrogasac čas otvorena čas zatvorena iako po znakoviman koji su tamo postavljeni aute uopče nebi tribale ni odit,ali eto.
Reka mi je jedan u selo da ča san ja vištac,a zašto pitan ga ja?
A da kad san bija pisa o početku ovi radov reka san da če trajati,trajati,…,jer uvik uleti ništo nepredviđeno. Asti,a to u nas i malo dite more pogodit. Evo npr. u ovoj ulici cijevi od vode nalazile su se na nikiman čudniman mistiman i cilo vrime su ji bageriman takavali tako da su ji lipo izvadili i ka ča se more na slikan vidit “vodovod” sad trenutno gre kroza ove okitenske cijevi koje prolazidu “egzotičnin”mistiman.Šta to znači? a to da kad se sa ovin poslon šta se sad radi završi,a 90% pa i više je učinjeno onda bi posli tribali opet kopat za meknit nove cijevi od vode tako da jedan put zauvik bude onako kako Bog zapovida. Samo se nadan da če to koko doč lipo sve snimit i nacrtat tako da oni šta za koju godinu opet bude čako kopat ne ostane iznenađen. Triba pofalit da se gledalo na to pa se do svake parcele uz cestu tik do zida dovela cijev od kanalizacije tako da kasnije kad se oni ča nije spojen gre spojit neče tribat opet kopat cestu. A ča se tiče asvaltiranja i kad če,e to če bit posli ovoga šta san reka da tribadu učinit,a to če bit kad bude.
Sramota!
Neznan,ustvari znan koju bi rič umisto ove gori u naslovu meka,ali eto, uspija san sam sebe nikako zaustavit i bit pristojan,a bilo bi najbolje da se ovoga danas i nisan uvatija pisat jerbo san jidan i to puno jidan,ali ne mogu izdurat od kako san bija u Split-točnije u Veli Varoš i vidija spomen ploču ča su je Velovarošani mekli za poginule borce koji su u Domovinski rat krenili iz…
Otvori ...A vidi nan mora
A neče još dugo ovako. Bar ne na ovo misto na rivu, jerbo se one zgrade i kuče okolo Bobisa prispajadu pa če to sve ič u cijev koja vodi do one punpe ispod dičjega vrtiča koja onda ita govna do Kaštelanske ceste kojon slobodnin padon to sve gre niza Kaštila do krajnje točke tamo sa južne bande Čijova.Ali,jema još dosta posla jerbo sve one kuče i zgrade na rivi…
Otvori ...Dica su največe blago ?
Je li se sičate one male od late na dva nazovimo silosa ča su je u lito 2013 umjetnici mekli na našu rivu tamo kad se gre od banane prema mulu? Bila je onda velika dilema o tekstu koji je napisan na otiman nazovimo silosiman “Djeca su največe blago”, a isto tako u selo je sada nastala velika dilema zašto su se ota dva nazovimo silosa makla. Ka ča znamo…
Otvori ...Aha, a da vidimo šta če sad bit?
Evo je jutros do oni kontejneri ča su ispod crikve osvanija oni veliki kontejner sa vratiman i ponistran na rolete i kako se jutros u selo moglo čut unutra če dvadeset i četiri ure dežurat čovik koji če pazit kako se ponašamo prema smeču koje itamo u kontejnere i triba pročitat na kontejneru ča u njega gre,jerbo niko ne obada da u oni kontejner o cakla triba bacat caklo,u onega…
Otvori ...Hrvatska ima predsjednicu
U drugome krugu predsjednički izbori Kolinda Grabar Kitarović pobijedila je sa 50,74 posto, dok je Ivo Josipović dobija 49,26 posto glasova birači i nakon pet godin napušta Pantovčak. Ovo su još uvik neslužbeni rezultati,a službeno če bit nakon šta prođedu žalbeni rokovi na možebitne nepravilnosti ka šta se dogodilo na jedno misto di je bilo više lističi u škatulan i di se izbori moradu ponovit,ali to sve bi tribalo bit…
Otvori ...Fala Bogu,od ponoča gre izborna šutnja
Ma bilo bi najbolje da od četiri milijuna sedansto iljad i nikoliko trenutni glasači svaki jema svoga kandidata za kojega bi glasa pa bi onda možda svaki od nas bija zadovoljan i nebi se vako karali ka sad kad jemamo samo dva. Sriča da od ponoča nastupa predizborna šutnja jerbo ovo ča je sve izrečeno na razniman forumiman,tviteriman,fejsbukoviman,komentariman po portaliman i emisijan di se gledatelji i slušatelji moredu uživo javljat…
Otvori ...Ajde pustite bar dicu na miru i ne kredite jin ditinjstvo
Mi stariji moramo se potrudit da jin ditinjstvo šta dulje traje. Ma zanimljivi smo mi narod,malo nan je ča se mi veliki među sebon karamo (bar da znamo zašto),nego na svake načine u oto očemo ubacit i dicu,a bidna dica bi u dane oko blagdani u dvanajesti tila dobit samo darove i briga ji je li Dida mraz komunista oli je demokratista. Vidi mene, Dida mraz komunista. A e,pari smišno,ma…
Otvori ...I Sučurac ima svoje klizalište
Od tristašezdeset i pet dan u godini ova lokva na Gojači je prošlu godinu bila prisutna cili dvistapedeset dan i to ne samo u proliče jesen i zimu,nego pošto je bila kišna godina i veči dijal lita. Ko nezna iza ovi prostorij na Gojači izvire voda koja je na istočnu bandu kanalizirana u more,a jema dosta vrimena da je ota voda počela izvirat ta mo isprid oni zahodi ča su…
Otvori ...
Komentiraj