Ko če bolje skuvat-Sučurac 2014
Sinoč je u naše selo održano treče po redu natjecanje u kuvanju na kojemu su nagrade dobili: Veterani Jadrana prvo misto i veliku teču-sa poklopcen,Moto klub Uspomene za drugo misto dobija je sridnju teču-pita je Tica da zašto nima poklopac i Sučuraške maškare su za treče misto dobile onu najmanju teču-sa poklopcen,a Torcida Sučurac za četvrto misto je dobila bocu viskija i škatulu bičerini.
Zanimljivo je i to da su se sinoč na mujal uspile privezat i dvi jedrilice-ova druga jedva jerbo nije bilo mista pa je sta utreso,a treča nije ni uspila, pa su sašli s broda i došli na feštu.I još ništo,ono dvoje ča ji vidite na slici svakako su tili da ji slikan,a biče pošto stojidu u istoj ulici pa sad očedu da se vidi da …,a kad pogledan s druge bande malo je to ka i čudno jerbo…, ali ništa u današnje vrime nije za čudit se jerbo…,a opet s one treče bande kad vidiš da je… onda je to ono šta se reče to,ali ipak je malo za stat i razmislit jer…,ali dobro,neka bude.
@iskrenomen fala na videju
Počeli su radovi na Novomen putu
Na Novomen putu su jučera počeli sa radovima di če se zbog sigurnosti školske dice korniž koji se protiže uz školsko dvorište ogradit željeznon ogradon koja če se protizat sve do oni veliki vrat za školsku dvoranu s tin da bi se na cestu triba napravit uzdignuti pješački prilaz prema Varošu tako da bi dica sigurno prilazila priko ceste.
Otvori ...Sučuraške glende i batude 2014
A ča jema da je lani bila prva,a evo sinoč nakon godinu dan na isto misto u Gospojsku Štradu opet se dogodila večer Sučuraški glendi i batudi koju je pomno pripremila Renata Dobrič ravnateljica Kaštelanske knjižnice koja je i organizator ovoga događanja. U odnosu na lani ovogodišnja večer o batudi bila je puno spontanija od one prošle,jerbo je bilo inprovizacij koje su ovoj večeri dali “ono ništo” ča puno puti…
Otvori ...Oproštajna Sv Misa don Emanuela Petrova – videjo
fala @zdvdks-u za videjo
Otvori ...Prva misa don Ivana Deliča-novoga Sučuraškoga popa – dodan videjo
Jučera je u sedan uri popodne don Ivan Delič naš novi pop održa svoju prvu misu u našemu selu. Je li iz znatiželje ili…,crkva je bila ispunjena do zanjega mista,a red za svetu pričest bija je ka šta je na nediljnin misan,tako da ispada da se puno nji oti prvi dan tilo sa popon onako, izbliza upoznat.Ja san iz daleka obamira i moran priznat da mi je na prvu, nako…
Otvori ...Don Emanuelova oproštajna-zanja misa u našoj župi
Nije lako o bilo čemu pisat i bit objektivan,samin tin šta je čovik jedno čudno stvorenje koje je osvetoljubivo pa ma kako se svako od nas trudija sebe prikazat da to nije tako. Od mali noog čuja san razne priče o popiman ča su dolazili i odlazili iz našega mista i uvik je bilo oni ča bi ga,a da se nije još ono ča se reče deboto ni steplija tili…
Otvori ...Opasnost na Sokolani
Kad se ulazite kupat na onu doli plažu na Sokolani ča su je ovo lito bagerirali i ušestili onda pazite jerbo iz dna viridu ruzinave žice koje je Frane danas prova izvadit,ali se ne more jer je ko zna koliko duboko pa je na nji meka stine,ali stina ka stina u moru ne stoji dugo na jedno misto pa zato da ne bude vraga i po dobro pripazite. I još…
Otvori ...Pijavica u Sučurcu
Danas popodne kad je okrenilo nevrime Sučurac je posjetila pijavica i to po onome šta se more vidit da je iza sebe ostavila prošla je koridoron stare jugovinilove štrike +-dvadesetak metri sjever-jug,a zaustavila nigdi do Đardina. Jedan naš miščanin šta mu je načelo krov govori kako se najedan put počeja čut niki huk i velika buka i sriča da je trajalo vrlo kratko.Bilo je okinuti gran na rivi i Gospici…
Otvori ...Evo je ovi uvatija za večeru
Ko zna zna.
Otvori ...
Komentiraj