Google
3,689

Saobračajna nesriča u Sučurcu na Lučici

Datum:May 24, 2014 11:45 pm
Comments
Komentiraj

Večeras je okolo devet i kvarat tako buglo da je tri dila selo čulo i izletilo vanka za vidit ča se je dogodilo,a dogodila se saobračajna nesriča na Lučici. Zanimljivo da od cile dužine Kaštelanske ceste ča se protiže kroza naše selo nesriče najčešče budu nigdi okolo ovega mista.(sičate se prije koji misec kad je jedan isto tako izletija sa ceste) Dobro je,ča se dalo vidit nako na prvu nema niki ozljed opasni po život,svi su mogli na noge,a ovoga ča ga je odvela hitna nikako nije tija poč,ali eto nikako je na kraju prista.A sad baš kako se to dogodilo znadu samo oni koji su u tomen sudjelovali jerbo ka po običaju uvik bude najmanje okolo jednu desetak verzij,ja san ji večeras čuja pet-šest,ali par nji se poklapa da su obe aute odile iz pravca sela prema fabrici i da jema bit da je jedna priticala,zakačila onu drugu pa je iza toga jedna auta bugla u stup i kantun zida od švori i zaustavila se sriča taman navr potoka (to je ovi punto),a renol kabriolet je jema bit kako govoridu “kliza” tridesetak-četrdesetak metri dalje,sletija sa ceste i zaustavija se jednu par metri od mora.E sad ča se stvarno dogodilo okle je koja auta odila ko je koga pritica,ako je pritica i ko je koga očeša,ako ga je očeša neznan tako da ovo gori ča san napisa je čula rekla kazala,a pravu istinu reče istraga.

P.S. I ča se dogodilo? ono kako san sinoč kasno pisa zaboravija san meknit i to vrlo bitnu stvar,a to je da su Sučuraški vatrogasci došli prvi do mista nesriče i to kako su mi očevici rekli ni tri minute nije prošlo.

Ispeci pa reci:

3 Comments add one

  1. mudrajko says:

    Odzvonilo je cilo selo kako je lupilo i prava je sriča da nije bilo teži posljedic.

  2. neno says:

    vatrogasna vježba – 180 posjet. utakmica jadrana – otprilike isto …

    a ovo malo nesriče – priko 500 ?

  3. LiliHip says:

    Da neno,s tim pokazujemo što smo.

Komentiraj