Google
6,590

Otvaranje Lidla

Datum:January 24, 2013 1:15 pm
Comments
Komentiraj

Marijeta, Marijetaaaa, a di je biče još u postelji?
A šta je Filomena,šta se dereš najranije ujutro? Asti da najranije.
Sedan ipo uri je,a ti si još u postelji.
A šta bi tribala makrame činit? Lipo guštan u postelji i kroza ponistru slušan kako pada kiša.
Bilo bi ti bolje da slušaš radijo. Ajde na brzinu se obuci pa gremo.
A di? Evo cilo jutro na radijo govori da se u osan uri u nas u selo otvara ona nova butiga Lidl.
Asti, oli nan je priša? Ka da če pobignit?
Ma neče uteč nego oču vidit Blanku i Olivera,a i naš gradonačelnik bi tot triba bit.
Ča nisi odma rekla, evo me samo da se obučen.
Aj, nemoj da te puno čekan i ostavi se sad patinavanja face.
Ajme Filomena šta je ovde lipo. A je moja Marijeta je, ma di su ono dvoje Oliver i Blanka?
Vidi verdure ka usri petoga miseca. Ma oklen jin vako lipe verdure, a meni je ona nesriknja bura sve satrala, a i friškoga kruva jemadu, još je tepal. Je Marijeta je,jema bit da smo okasnili, nima ji.
Asti evo cukar na akciju vazet ču par kili oni moj ga bar vriču godišnje satare.
Eno ji. Ko? A Blanka i Oliver. An, sad vidin, a jeli ono i gradonačelnik uza nji?
A je. Vidi eno Blanka sad vazimlje napolitanke ništo govori Oliveru,a ovi sad klima glavon
eno je Blanka sad ništo mekla u košaru, a Oliver se vrti oko čikolati…
Ma vidi ove sedme osme i ostali sil ništa od nji ne vidin.
Eno je sad Blanka išla na kasu,eno sad…
Filomena, pari mi se kad te slušan ka da mi oni na radijo komentira utaknicu.
A jeli? Više ti neču ništa reč, eno ti na slike pa ji gledaj.

Ispeci pa reci:

Komentiraj