E ovi put to nisu bili vonji o razno razni neidentificirani objekti šta se moredu vidit da plutaju u moru nego je to bija vonj iz teeč,kazani, lonci, kotlovi,lavapijati,a kuvalo se na trinoge,plinska kuvala,razne špakere spiza po vlastitomen izboru,ča je ko tija tako da je bilo i tinguleti i brujeti i čobanac i pure i žganac i rižoti i ko če sve nabrojit čega se sve nisu sitili za u teču meknit,a žiri je to sve triba kroz nepca provuč i na kraju proglasit najboje tako da su vatrogasci dobili prvo misto i onu največu teču,Marija,Majda i Šime poštar drugo misto i malo manju od one prve teče,a treče misto osvojija je Moto klub Uspomene koji je dobija najmanju od sve tri teče.A da nebi sad ko mislija da su dobili onu malu tečicu,nisu, dobili su jednu pristojnu teču iz koje bi se moglo nji osan dobro najist. A da se sve ovo ozbiljno svatilo i da se ništa nije tilo pripustit slučaju jučera se pokazalo da su one priče čula rekla kazala bile istinite o tome kako su nastale trzavice između Maškar i Veterani Jadrana jerbo su Veterani vrbovali jednoga lanjskoga člana ekipe o Maškar tako da je sa početon kuvanja objelodanjen transver i Pela se zamisto u onima o maškar pojavija u dresu o veterani,a da su to oni iz suprotnoga tabora svatili ka atak govori i prigodan natpis o zeleni slovi ča ga morete vidit da visi na zidu. O tome svemu u osan i pet uvečer tražija san izjavu od Maria(Đeme) šta ima reč o tome,a on mi je reka: “Zaludu jin je,veterani ni ovi put neče dobit teču”.Na moje pitanje:” Kako Vi to znate,zar ste vidoviti”?Sa suprotne strane šutnja,ali pogled je sve govorija, pa san ja lipo iša ča.

P.S. Sinoč je bilo i malo barufe di se je moralo uredovat,neču dalje pa če mi @umorno_joko opet počet spominjat žutu boju.(da nebi koko mislija da je izbila barufa između ovi, nije,nima veze sa učesniciman)