Pridvečer se selon pronila vijest kako je oni mural na magistrali kad se gre za podvožnjak prema jugovinilu na kojemu piše “JEDAN GRAD, SEDAN MISTA, SVE NAS SPAJA LJUBAV ISTA” prolilo crnon pituron i odma san seja u fiču i iša vidit,a gori su več bili dva momka koji su provavali otrat oto crnilo koje je niko prolija posri sride Ajdukovoga grba.(Mural je učinila Kaštelanska Torcida za stotu godišnjicu Ajduka)…

U subotu su naši ribari zajedno sa roniociman od naši vatrogasac,pa Rek Hvidre iz Splita,Rek iz Solina i Pik Mornar,ča oče reč sve skupa okolo dvanajst ronioci čistili morsko dno na Sokolani,Gojači i na potezu od crikve do opčine i ka po običaju,našlo se tote svega blaga,jerbo kad kome ča ne triba,najlakše mu je u more turnit. A ča ste mislili da je s ovin sve gotovo? E nije,ipak je…