Di nas strašidu sa nasloviman kako Prometovi autobusi nečedu stajat u Kaštila,ovi put su uz Kaštila i Omiš,Trogir,Solin…,a baš san danas upa u priču i govorin ja oviman s kojiman san priča kako je i prije bilo slični situacij kad nan se pritilo da autobusi u Kaštila nečedu vozit,da kad je to bilo,ja sanjajen,ništo san pobrka,oni se sičadu pri nikoliko godin da je to bilo sa Dugin Raton di nije…

Evo ga je ovi metija i to je još i tapet isprid sa natpison,velkome stavija,tendu razmota,ništo je vanka iznosija,ali mu je zapelo,a nisan sad tija tote stat i gledat,ali mi se čini ka da je kučicu od pasa vadija…

Koliko smo od početka devedeseti na ovamo točno dobili stanovnika nisan moga nač baš točne podatke pa ji neču ni pisat,ali npr.od 2011 do 2018 godine u Kaštila je došlo novi 2000 manje 14 stanovnika,ili ti za one ča ne volidu računat, nji 1986. Koliko u Kaštiliman trenutno ima stanovnika niko ne more točno reč,ali po zanjemu popisu iz 2011 godine oti broj je bija 38.667,a pošto se ovi zanji…

Jema nikoliko daan da je na svitlo dana izaša podatak kako su nekretnine u gradu Splitu treče po skupoči u Evropi,na prvomen mistu je Moskva,drugomen Pariz. Bome,jemamo se sa čin pofalit,e, a sad kakve veze jemadu Kaštila sa oton skupočon nekretnin u gradu Splitu,a imadu i te kako imadu,naši Kaštelanski političari več par godin se falidu kako u Kaštila sve više dolazidu mlade obitelji i još znadu nadodat,kako je tomu…

Ajde pak,govori mi,nemoj da te pošaljen,evo ja čistin šahte kad opčina oto nije napravila. Nakon ča se je more počelo povlačit na Podvorju se i dalje zadržavalo,a Mislavu se odma upalila lanpica zašto,pa je vazeja mašklin podiga gradele od šahte,kad ono sifon pun materijala,podiga ga je vanka,a šahta je učinila surlp i sve more povukla unutra. E i sad mi ča smo tote bili,nismo mogli ne razmišljat o tomen,a kako…

Da je ljude teško natirat da prominedu svoje životne navike to svi znamo,pa tako puževin korakon ide i prilagođavanje na novi režim odvajanja smeča-otpada i u postociman je malo oni koji to radidu,ali da malo pogledamo kako to radidu oni koji nan cilo vrime govoridu da bismo to odvajanje tribali činit,čak nan se u budučnosti spominjedu i nike kazne koje bi se nesavjesniman-koji nebi odvajali,mogle naplačivat,ali se ne spominjedu nikakve…

Kad san jednomen nikidan kaživa ove slike travon pokrivene ulice, nije mi virova da je to usri sride sela,točnije u Varošu. I bilo mi je čudno kako je ovo ovako zapušteno pa san iša malo čeprkat, zašto o ovoj ulici-putu ča kroz nju moreš doč od Trpimirove do Petrine niko ne vodi računa? I ča je ispalo,od nji par ča san ji kontaktira,ka da su se dogovorili,jerbo jin je osnova…

Na svakomen kantunu moreš čut kako se govori o novomen zapošljavanju u opčini i to ne samo u našemu,nego u svi sedan seli i to pojedini znadu sve u detalje i kako i zašto i di i kad i… To šta je u gradski Pogon-za javne radove primilo na neodređeno vrime osan ljudi baš i nije nešto čudno,eto, niko je smatra da pogon triba još ljudi,jer je obim posla veliki…

Sve je počelo dolaskon četiri kara koja su se parkirala doli na rivu i fešta je u konobi od Matele mogla počet. Skupilo se tote puno oni iz sedme sile,blicavalo se,snimalo,pisalo ča to Ivan jema za reč,a on je to onako po svoju sve lipo pojednostavnija i reka da nije ovo ono industrijsko štrc-brc vino,več je ovo vino rađeno s ljubavlju i kako se ti sa njin ponašaš takvo če…