Jučera se u naše selo doli na rivu dogodija petnajesti po redu,susret Tomosi,di se skupija lipi broj,okolo pedesetak razni primjerak,pa je tako bilo takmičenje u spretnosti,pa ko če sporije vozit,pa je onda u vožnji tribalo praznu kanticu od litre ulja uvalit u raminu,pa su onda učinili điradu po selu,bome,lipo je dimilo,neče bit komarac,pa su onda podiljene nagrade i na kraju je Zagor prisutnima dilija sladoled…

Ka ča to inače bude na Tomos susretiman u našemu selu,najpri su se skupili,došlo je motori sa svi stran i oni ča nisu mogli upalit,nego su vlasnici došli turajuči svoga ljubimca,pa ji je Zagor na licu mista servisira,reanimira i osposobljava, nakon čega su onda učinili počasnu điradu po rivi,pa su se takmičili ko če pri proč između čunjev,nakon toga ko če sporije vozit,a pobjednici su dobili šanpanjac,litru dvotaktola i majicu…

Danas se na sedme susrete Tomosovi motori u Sučurcu na rivu skupilo tridesetak šta kooz,zikov,automatikov,remenkov… di su se natjecali ko če brže,pa ko če sporije doč,pa su se malo vozikali,puno družili,podilile su se nagrade,izili kroasani,picete,krafne,sladoledi,pa je svako dobija zahvalnicu i na kraju svega najavili da se vidimo opet i dogodine.