Najpri je bilo kad če se u selo počet šta radit,a nikidan kad su iskopali rupe na Gojaču za tamarine posadit je bilo,evo na,da nisu izbori još bi godinama bilo ovako. Ma nije to radi izbori,sve ima svoj tijek,a oti tijek za Sučurac je doša sad,tako da to siguro nema nikakve veze sa izborin,izbori su tek tamo u peti misec.

Tamo di ljudi šetadu na Gojači,točna lokacija,tamo di se spuštadu skale sa Đardina,di je raspuka beton je vrlo opasno prolazit jerbo je ispod toga ispucaloga betona rupa od jednu metar dubine,a ko zna koliko je u razmjeriman široko i more se dogodit da kad se tote stane,beton popusti i koko upadne i ko zna kako če se provest. Inače me pitadu da je li ima smisla uopče ovo ča pišen…

Jema cilu prošlu sedmicu da,ča na Gojači,ča na Bistrici, ne radi jednu desetak kandelabri i onda to uvečer izgleda evo ovako:

Jučera se naliva beton,a danas se bageron ruši dijal zida i ravna. E i onda mene u selo pitadu,naravno,ka viječnika Mjesnoga Odbora da ča se to radi,niko ne vidi svrhu otega nalivanja betona,a mi iz MO-a naravno,nemamo pojma,pa tako ljudima ništa ne moreš ni reč,šta je,očito je,to nikomen cilj,pari mi isto ka da se gradi strategija za budučnost,točnije sljedeče izbore Mjesnoga Odbora,tako da ljude totalno ogadi izlazak na izbore,jerbo kako…

I dok ovega lita ni prvi sedmoga na Gojači  nije meklo priobučivalicu, (na Sokolani je stavljena koji dan prije) evo do dana današnjega 20.10. priobučivalice su još tote. A za informaciju,ni na Bačvican ji više nima.

Danas,prvi dan Nove 2017 Godine na Gojači Jozo Dubravčić-Jajac otvorija je ovogodišnju sezonu kupanja u našemu selu. Nakon ča je iščupa travu ča se je počela vatat u pličak,hrabrin korakon zakoračija je prema dubini i zapliva,a kad je izaša vanka pitan ga ja,a ča je,jeli ti zima,ma je, baš san se lipo rasriška reka je,ajde pak,a vanka je devet stupnjev,a on da se lipo rasfriška.

Pri nikoliko dan doli na Gojaču sučuraška Torcida je nacrtala novi mural:

Reka je da nije i ode on učinit svoju dnevnu rutu:

Sinoč je klub navijači Torcida učinija prvu ovogodišnju litnju feštu isprid svoji prostorij na Gojači i bilo je sve u redu dokle se nije uvatila padat kiša tako da je zabava koja je tribala trajat do rani jutarnji uri razbivena sa prviman kapiman kiše okolo jedanajst uri. @iskrenomen fala na videju