Jutros je raskopan dijal šetnice prema Sokolani ča je potonija.Ča se misli na ovakvi način napravit neznan,vidičemo,jer kako mi je reka oni ča roni, ovde je problem u samima temeljiman? Inače,pitadu me da kako nima komentatori,a par puti san izbrisa komentare jer kako smo u nikoj stvari,ljudi bi se sad išvogavali,pa je najbolje da se,dokle ovo sve skupa ne prođe, ne komentira.Biče vrimena. 😀

E slušaj,a ča je,a ništa oli se nesmi s tebon ni razgovarat,govoridu mi oni,more,samo mučite,a dobro je,onda čemo na mote,aj: Ma baš smo se lipo napričali,aj adijo,gren ča učinit đir do sokolane i usput ču razabrat dojmove od ovega konstruktivnoga razgovora.

Danas je na našu rivu održana javna vježba vatrogasne zajednice grada Kaštili na kojoj su sudjelovali DVD-i iz Sučurca,Gomilice i Staroga di se moglo vidit spašavanje ljudi iz zapaljene aute koju su sa onin zračniman klištiman otvorili ka konzervu,pa onda spašavanje ljudi sa zapaljenoga kanpanela,pa su onda ronioci spašavali posadu sa zapaljenoga broda pa je onda vatrogasni brod gasija drugi brod pa onda lipo sad da ja dalje ovde ne…

Ajme ljudi kad bi one klupe doli na našu Rivu napisale koju bilježnicu sabrani djel bila bi to najčitanija literatura od doba kad se je počelo “tipkat” na bokun stine pa sve do današnje digitalizacije. Ovi put se je razglabalo o onin kontejneriman šta su na rivu tik uz more na mistiman di je označeno za aute parkirat. Ka prvo svi se sičamo daan kad si svako malo moga po…

Sinoč su gosti u bašti Sujinoga kafiča More mogli uživat u melodijama dalmatinskoga štiha izvedenim na gitarama dvaju virtuoza koji su šoto voče pismon razgalili prisutne koji su guštali u predivnome ambijentu i učinili da posli onoga sinoč više ništa neče bit isto i svi če nestrpljivo čekat neki novi nastup ova dva “tiča” nadajuči se da če to bit u šta skorije vrime.

Danas popodne je Karamarko na Sučuračkoj rivi bija u Rive: