Jema več prilično vrimena da se na šetnici na Gojaču otvorila lipa rupa i meklo je ova driva da koko nogon ne upadne,ali po noči je puno nji za ovo “konstrukcije” zapelo,jerbo se baš ne vidi najbolje,a pa su mi rekli da neka meknen i napišen, da ča se koko triba priko ovega slomit,pa če se tek onda sredit?

E a sad da koko krivo ne svati,to je ono vanka di se mekne šugaman za leč,žalo je sa toga mista skroz nestalo. Prolazin danas Gojačon i jedna žena ča se tote kupala mi govori da je li mi more ništo reč,da je li more,govorin ja,pa mi pokažije na misto di je predviđeno za ležat na žalu i govori kako jema več dvi-tri godine da niko nije niti karijolu žala…

Na Sokolanu su evo nakon misec daan nego ča je onu ukrelo,jutros mekli novu,kadinu,brojalicu,niko je zove krunicu,oliti ga psihičku barijeru za plivače,jučera je meklo i dvi nove klupe,na Gojaču je danas popodne stavilo priobučivalicu,tako da kad sad sa sebe kupači budedu skidat mokre badiče više neče  tribat činit kerefeke za to napravit,a i ljuljačke su opet u funkciji.

Govori meni ovi jedan ča me ferma u selo. A kako san zaboravija,ča se to tamo radi? E u tomen i je problem, ne radi se ama baš ništa. Nije još meklo onu,kako ti ono zoveš,pribučivalicu,a ni ljuljačke još nisu u funkciji. Ka prvo nije pribučivalica,nego priobučivalica.Ma zovi je kako očeš,na Sokolanu je meklo jema tamo u ponediljak,a ovde je nima. A oli je priša,tek je prvi sedmoga,govorin ja njemu,da…

Več znate priču o ona dva zahoda sa zeleniman vratiman ča stojidu na taraci o oni doli prostori na Gojači. E i niku večer trevija ja nji dvoje kako šetadu sa pason i ova ča je bila sa onin pita,a kako če se odit gori do oni zahodi i da zašto su ona dva doli otvora ispod oti zahodi. A oti doli otvori su ti za lift ča če vozit…

Jema več petnajst daan da ona škatula sa dvoje zeleni vrat stoji na taraci od oni prostorij na Gojači navr oni stari zahodi i odma su krenili sa pričan da jesu li ovo nabavili nove,moderne,europske priobučivalice,a onda se nastavilo kako če ji vrlo brzo vrag odnit,jerbo kad zapuše bura tamo če du u Slatine poč “ovo”iskat. A nisu to priobučivalice,to su novi zahodi koji su eto, nakon dugogodišnji obečanji napokon…

Da ja pišen kako se na Gojaču ulazi sa autan i da sad zbog toga ne moredu dobit ključ? Vratimo se malo nazad,točnije pri pet dan kad su na Gojaču mekli na stredinu oni stup i malo dalje lanac tako da se sad ne more sa autan unutra ulazit,(motoriman i dalje more),a to su učinili jerbo one meškinjaste ranpe ča su ji mekli naza trideset i šest dan nisu učinile…

Opet o onoj ranpi doli na Gojači koja je iako je kupanje več debelo počelo sve do priduč ups jučera bila spuštena i na koju je jučera posli one vide od pridučera koju su odma odvidali doša sad napokon i katanac za koji se nadamo da bi moga izdurat i da je ova tema sa njin do kraja lita zaključena.