Jema več petnajst daan da ona škatula sa dvoje zeleni vrat stoji na taraci od oni prostorij na Gojači navr oni stari zahodi i odma su krenili sa pričan da jesu li ovo nabavili nove,moderne,europske priobučivalice,a onda se nastavilo kako če ji vrlo brzo vrag odnit,jerbo kad zapuše bura tamo če du u Slatine poč “ovo”iskat.

A nisu to priobučivalice,to su novi zahodi koji su eto, nakon dugogodišnji obečanji napokon realizirani,naravno,još ji triba samo spojit.
A onda je krenila priča,da zašto su nabavili ovo škatule kad doli jema več dva postoječa zahoda koji su još iz vrimena kad je na Gojaču restoran bija i koji se moredu uredit? A ne more,oni su doli nisko i ne moredu se spojit na kanalizaciju,a ovi gori na taracu se moredu bez problema takat,jerbo je šahta taman u nivou,par metri odatle.