Na Svetoga Stipana u tri ure popodne počet če deseta po redu jubilarna utrka u turanju kariči koja če pobjedniku donit
60.000 lip,za drugo misto če se dobit 40.000 lipa,a trečoj ekipi če pripast 20.000 lip.
Od kako je uredilo temelje od stare crikve odma se u selo otvorila polemika oko toga di če se sad utrka o kariči činit? A ka i svake godine počet če sa topa na Glavici, s tin da če se od ove godine tribat zaustavit kraj kanpanela i iz poštovanja prema spomeniku poginulima u bombardiranju oto misto pritrčat sa karičen ispod pauzuha i opet nastavit sa utrkon več ustaljenon stazon priko Mula, obalon priko banane pa uzgor prema cilju do topa na Glavici.

P.S. Reka mi je Filko da smo mogli bili i nas dva se ovu godinu u utrku uključit i več je on skonta kako bi to izgledalo.
Da bi najpri ja krenija,a on bi me turnija do kanpanela i onda bi on zauzeja misto za timunon s tin da bi ga ja tura od kanpanela pa sve vamo do cilja. A lipo je on to razradija,je,je kad Van ja govorin, jema mali mota.

Ruta kojon če utrka ič:

E,a nemojte me pitat ča ova drva ovod stojidu? A da neče koko učinit barikade pa da se nizdol ne more proč,ali Zagor i ekipa su za sve situacije spremni,jemadu oni spremnu ranpu pa če se ako to bude tribalo priko otega priletit.