Na Sučuračkomen mulu di je več jema par miseci zavezan niki vapor koji se pomalo ali sigurno počeja raspadat odlipila se jedna kamena faca koja je završila u moru. Ima i priči o razlozima zašto se to dogodilo,ali to su ipak priče jer niko nije vidija da se baš zbog toga ča se u pričama govori i dogodilo. I ti isti šta mi je reka za otu stinu doveja me je i do onoga mista ča se je podiga od razine rive i poploča sa kamenin pločaman di je pri koji dan žena šetala sa diteton i po pričanju ovoga šta mi je to reka noga joj je zapela na ovo misto koje vidite na slici di se gingaju ove ploče i bila bi kako ovi govori lipo popuzla,ali je spasilo to ča je dite držala za ruku. Inače na ovome potezu popločane šetnice ima još par slični misti na kojima su ovi zanji par lebičadi izbile ploče iz svoji ležišti koje su bez betoniranja samo nako vračene nazad.