Cilo jutro mi ne dadu mira da oli ja ne vidin kako dimi iz fumara o cimentare kad nisan ništa meka?
E i sad pokušajete objasnit,ispada ka da se pravdan, da se to biče nakon remonta uputila peč jerbo me prošli put kad san isto tako meka sliku sa dimon iz fumara u selo trevija jedan naš ča tamo radi pa mi je reka ono smo se tek nakon remonta uputili i dok se to sve skupa razgori mora nako dimit,ma zaludu,odma ono an,znan ja, sad si i ti prominija ploču govori mi ovi jutros,ajde kvragu ti i ota tvoja ploča ma je li ti lipo govorin ča jema bit,ajde,ajde sve je meni jasno,a ča ti je jasno nesričo jedna? a eto to. Evo na sad slika kako je to jutros bilo jerbo čedu me satrat dokle buden kroza selo odit,a sad čekan opet kako ču naletit na onega istoga (zna on koji je) pa če opet bit po meni da ča san ono meka da se to peč tek bila uputila i da to tako mora bit…
A ništa nego ugodit. Dobro je Bilič kad je vazeja kormilo od reprezentacije bija reka da če bit dobro dokle sve bude kako triba odit,a kad ne bude tako onda mu ni ona kravata na njemu ča je bude nosit više neče valjat.
P.S. Kad se peč tek upali nigdi okolo 48 uri se zagrijaje.
Popodne:

Jutros: