Mandina,Mandinaaaa. Šta je Domina, šta se dereš? Ma ništa oni moj me najranije ujutro izluda evo popodne gre sa malin na utaknicu o Ajduka pa cilo vrime gleda u nebo, straj ga je kiše (da se nebi rastopija) pa jemaš li ti čako cerade za pokrit se? A jeman, samo neznan oče li mu moč jer je strukirana. Ajde mandina lipo na ono misto,ma di ti je pamet bila strukirano vazest,a pariš ka bačvica od tolitra? A jeli, našla mi je prava za pribotunat još malo pa ni kroz vrata nečeš moč proč. Aj kvragu ti i ko te pita, mogla si mi bila odma reč niman i amen.

Filomenaaaaaa. E Domina, ma jesi li vidila ono sinoč nesritnjega juga šta se uspuvalo? Ma pusti sad jugo, reci mi jemaš li ti štako cerade za onoga moga, gre popodne na utaknicu pa da ne okisne, jema on niku crnu pa da je nebi odnija jerbo da čedu svi bit u bilo pa če parit ka crna ovca. A jeman ti jednu lipu baš je ono prava za kišu, ne triba se bojat da če mu protapat.
Na evo ti je. Frane,Frane, vidi ga opet je zaspa, na evo ti cerada za Ajduka. Ajde Domina ti i ota crvena jaketa, ma vidi žarke boje, ne moreš u nju ni gledat koliko je kričava, neče jin tribat bengalke okolo mene palit. Onda ti ne odgovara? Ajde lipo ti zajedno sa utaknicon u …

Marijeta,Marijeta, Marijetaaaaaaa, asti biče ova još leži. Ajme meni Domina,a vidi koja je tek ura, šta se dereš najranije? A je, dobro si ti rekla, je,tek je deset ipo, ma ča si radila cilu noč, a oni ti je na brodu. A šta je reč Domina, oli mi očeš opet čako prižentat?
Ma doro je aj, niman sad vrimena. Reci mi jeli jemaš čako cerade proti kiše jerbo oni moj gre na utaknicu popodne pa ako bude kiša… A jeman ti jednu lipu,ajme znaš kako je lipa roze boje.A jeli ti to mene Marijeta zajebaješ? Aj gren pitat Franu vidi češ sad reakciju ha,ha,ha,ha.
Franeee. Šta je Domina? A evo Marijeta ima jednu lipu ceradu govori da nima šanse da če ti promočit, samo ima jedan mali problem, reci, a neznan kako bi ti to rekla, a lipo ka i sve šta mi rečeš. A ova ti je roza boje ha,ha,ha,ha. Ajde Domina kvragu i ti i Marijeta i roza boja, ma zamisli ča bi se lipo proveja kad bi na stadijon doša u roza obučen. Ha,ha,ha, ajme šta bi bija cakan, a ja bi ti još jedan mali fijokič u kosu mekla. Aj pak.

A ništa, ajde gren pitat Katu jema li ona čako.
Kateeeeeeeee, Kateeeeeeee. Nu je, šta se dereš tute?
Daj reci mi jemaš li čako cerade za onoga moga popodne gre na Ajduka pa…
Asti, a ča lunbrelu ne vazme?
Ajme Kate samo si mi ti sad falila. Da šta ne vazme lunbrelu? Zamalo pa ti ne dadu ni baterije u aparatu jemat,a ona da šta lunbrelu ne vazme? Oni bi je moj prvi u teren itnija. Jeli imaš koju kabanicu ili nimaš? A iman jednu obilatu taman če bit za njega. Na evo ti je. Fala ti moja Kate, e napokon nika normalna boja. Frane,Frane, Franeeee,ajme linčine poprimit češ oblik kauča, na evo ti kabanica.Ma koja? Ova plava? Ma jesi li ti ženo luda? Iden na utaknicu o Ajduka i Dinama i ti mi nosiš plavu jaketu da neka je obučen. Vidin ja da me se ti očeš rišit? A šta san ja bidna znala nisan uopče išla za otin da su oni odozgara u plavome dresu.
Znaš ča,ajde ti lipo pa sam traži šta češ za popodne obuč jerbo šta ko ja rečen ništa ne valja.
I onda smo mi žene konplicirane i izbirljive?
A kako je vanka vrime, a jeli se ovo čara,a možda mi cerada neče ni tribat?
Ma briga me za te, oš okisnit ili neš,kad si tako izbirljiv, moreš ča se mene tiče i u maju na špaline i mudante poč, bitno mi je da mi dite ostane suvo.