U samo dva dana nego ča san napisa da su puknute one skale doli na Sokolanu ča se s njima spušta u more,odma se to popravilo (pridučera),a i oni komad zida ča je bija blizu oti skal je izvađen vanka,one velike stine ča su ji donili, složilo je sa južne bande,a isto tako je po plaži rasulo i dva kamijona novoga žala.

E sad dolazi ono nezaobilazno,ali, ove kantunale ča ji je na skalan zavarilo tribalo je meknit sa donje bande,ispod skaline,jer bi se tako skala oslanjala na oti cili kantunal,dok ovako skalu drži var koji je puntan na par misti. Znan da če me sad oni koji je ovo radija poslat kvragu i reč da ča ja mislin da je to lako odozdala zavarit,lako je pisat,ali…