A zašto su ljudi tamo rečemo po modernu, prosvjedovali iliti ga po staromen, činili denmonštrancjun?
A zato ča se tamo več dvadesetak godin ništo gradi,činidu se puti,ljudi su reagirali,obračali se razniman institucijan,a posal se i dalje,nesmetano odvija?
A uvala Vruja spada pod zaštičeno morsko područje,a i u njoj je po donešeniman prostorniman planoviman zabranjena gradnja…

U nediju na prosvjed bilo je i mladoga i starega svita,bilo je i suzni očiju jerbo kako su rekli,ovo jin je prvi put da dolazidu u Vrulju,jerbo do sad nisu mogli,a par mladiči su odlučnin korakon grabili put doli sa šugamaniman u rukan i govoridu,e sad čemo na plaži nadoknadit sve ono ča su nas tirali kad bi doli došli za okupat se…
A bome,do doli jema lipi dvadeset i pet minuti za spuštat se na noge,a put uzgor neču ni spominjat,inače kako čete moč vidit na slikaman,lipi dijal otega puta,pogotovo okuke, je popločan sa kameniman pločan,a mora se priznat kako je praveči put prema doli,bager jema puuuuno lipega posla…

I na kraju za žuntu bi još doda NA SOKOLANU JOŠ NISTE MEKLI PRIOBUČIVALICU!