Kako je krenilo,mislin da čedu skoro tribat i semafore meknit.

Jema več i misec daan da su tamo na Ploče-istočno od groblja,točnije prije onega,betoniranoga puta ča gre prema Gaju,mekli znakove koji upozorajedu da se vozi dvadeset na sat,ka da more više, na moguče kolone puten ča gre prema planinarkomen domu,na radove,na ugibalište da se more maknit kad vidite konvoj koji gre put nizdol ili uzgor,a isto tako i na opasnost da se uopče otin spomenutin puten gre nanoge,a mislin da je i nemoguče nanoge proč,jerbo oto puta pari ka da ga je posulo brašnon,po njemu nika fina prašina koje se,kako kamijoni prolazidu diže visoko u zrak,to je ono ča se puno nji zapitalo,a ma ča ono usrid Gaja praši.

O čemu se radi,a o tomen kako se sa južne bande,izlaza budučega tunela kroza Kozjak činidu preduvjeti-ceste,a i pitanje je vrimena kad če bužanje zanji četrstotinjak metri otega tunela krenit odozdala,e i onda znadu konvoji kamijoni-nji nikoliko puni materijala u koloni ili put uzgor ili put nizdol krenit u određene ure,isto ka i mikseri betona…,a ča se tiče odit nanoge,ka ča sustanovnici našega sela navikli,zaboravite,em zbog opasnosti da Vas ne pokupi koji kamijon,a isto tako neznan kakvi bise iz Gaja izašli,jerbo ka ča se more vidit kad se put Gaja pogleda,zamisto zelene šume,tamo di put prolazi,po stabliman se vidi bilosivilo…