Popodne okolo četiri ipo na Braču je počeja požar i na ono maeštrala ča je bija punija nije izgledalo ka da če na dobro završit,ali je na sriču kroz uru vrimena dim bija vidljivo manji,a u međuvrimenu su došla i dva Kanadera koji su pomagali natopit namo di je bilo nepristupačno i požar se udunija. I na kraju za žuntu bi još doda: NA SOKOLANU JOŠ NISTE MEKLI PRIOBUČIVALICUU!

A zašto su ljudi tamo rečemo po modernu, prosvjedovali iliti ga po staromen, činili denmonštrancjun? A zato ča se tamo več dvadesetak godin ništo gradi,činidu se puti,ljudi su reagirali,obračali se razniman institucijan,a posal se i dalje,nesmetano odvija? A uvala Vruja spada pod zaštičeno morsko područje,a i u njoj je po donešeniman prostorniman planoviman zabranjena gradnja… U nediju na prosvjed bilo je i mladoga i starega svita,bilo je i suzni očiju…

Jema več okolo desetak daan da na pojediniman mistiman more pari ka da je ljigavo šporko,uopče nije lipa slika za vidit,a mogu mislit kako je onima koji su platili za doč se kupat. Pa se nameče logično pitanje,zašto se na udarniman plažama,sa nekiman “usisivačiman” ili oniman manjiman brodiman za čiščenje mora oto ne pokupi,jerbo nan turisti baš ne gledadu blagonaklono na ovi problem.To je isto ka da ja sad gren…

Uvik si govorija kad češ više doživit da ostanen bez texta,eto uspija si,ostavija si me bez texta,ali nažalost to doživija nisi,ali san uvjeren kako me ti sad odnikud gledaš i govoriš,aha,uspija san napokon san uspija i pechinu bez texta ostavit. Jesi Filko,priznajen. Pa kad ti rečedu ono, da jemaš godine i nike stvari tribaš svatit Je jeman godin,ma mi još uvik nije jasno,uopče mi do ovega imberlanoga mozga ne more…

Na puno misti san vidija kako se umisto imena ulic po razniman osobaman,ulice razaznajedu po brojeviman:

I onda važi ona,druže snađi se: 😀

Kate iz stana A sinoč je to izgledalo ovako ka šta vidite na ove dvi doli slike koje su učinjene po danu, lani u dvanajesti misec,jerbo nočna slika nikako ne more pridočit kako je to bilo.