Tamo na kružnomen toku u Solinu,točnije na onoj okuci kad se izlazi iz kružnoga toka i ide prema Dugopolju,znate onu gadnu okuku na kojoj Van svitleči displej kažije da smanjite na trideset kilometri,a isto tako,ko je je tote prolazija zna da je ota okuka prilično čudna i da oto upozorenje da smanjite brzinu na trideset nije uopče bezveze,e baš na tomen potezu iskrenila se cisterna sa cimenton i sriča u…

Ka po običaju malo svita,izbrojija je ovi jedan da nas je bilo devedeset i to sa dicon,prošle pute se govorilo da je to zbog lošega vrimena,kiše…,a ča je sad bilo,puno vruče? Inače moran napomenit da je po prvi put na proslavu u crkvici Svetoga Jure bija i direktor CEMEX-a za Hrvatsku Velimir Vilović koji je stupija na dužnost lani nigdi u peti misec,a naravno gori je bija i CEMEX-ov direktor…

I onda smo nas troje seli u auto,ona vozi, (mali je iša autobuson jerbo je tamo triba bit uru pri početka)i naravno,kako je bilo vruče u auto je bilo miljun stupnjev i trenutno smo se oznojili,pa smo rastvorili ponistre da se u vožnji razvitri,pa je niko reka zatvori,ubiče nas promaja,sriča da jemamo klimu,koja je naravno,sve do Solina puvala vrilo,e i onda smo tamo di se zbog radov sužaje cesta stali…

A to je da u ove tri utaknice,sa Cibalijon ča je bila nikidan,Dinamon ča če bit u nedilju i sa Osijekon ča če se igrat tamo u peti misec, triba dostignit brojku od niki pedeset i četiri iljade gledatelji i nadmašit rekord sezone 98’99’ godine. U sridu je to sa Cibalijon bilo okolo 15 iljad,sjever je za nedilju rasprodan još od jučera,danas je nestalo istoka,a samo je pitanje uri kad…

Ono ča ja znan je to da su se polovinon prvoga miseca tote pojavili đometri,investitor,vlasnici parcel koji graničidu sa sadašnjon i budučon lučicon,zainteresirani miščani… I znan to da postoji projekat na osnovu kojega je grad Kaštila izda lokacijsku dozvolu sa kojon se kako je rečeno,po novomen, more počet sa gradnjon,ne triba građevinska,pita san mogu li je slikat da svit zna i više ne nagađa oče li i kako če to…

Jučera su Sučurački vjernicu učinili Križni put od Gospe na Hladi do Jurijeva. I dogodilo se to da kako smo se više penjali iz pravca sela se sve jače čula muzika ča je dolazila iz pravca jedne sporske manifestacije ča se je doli događala,bilo je to vrlo čudno,svi su se gledali,okričali okle ta muzika dolazi,pa je bilo kako moredu ovako,ovo je bezobrazluk,kako ji nije sram,ali kad se malo bolje razmisli…

Ova ledena idila nalazi se na samo petnajst minuti od našega sela:

A sigurno do sad niste ništa čuli pa ču evo čako napisat o nadolazečemu nevrimenu. Jema več desetak daan da pojedinci prognoziradu da bi na ovemu našemu području moga past snig,a zanimljivo je da su to ljudi kojiman oto uopče nije posal,nego se sa otin bavidu onako,moga bi reč iz hobija,a dokle su oni oto govorili ovi drugi su ji ismijavali,a evo,kad se bliži oti dan DE,sad su svi navalili,tako…

U sklopu dičji maškar ča su  u nedilju bile u Splitu, rivon je prodefilirala i skupina iz Tugari koja je u svojoj točci zorno prikazala život na selu. Pa je bija tote i učitelj i pop i škovacin i poščer i oni ča prodaje novine i konoba i kužina sa zdravon spizon ča se kuvala u loncu na trinoge,pa je jedno dite vikalo,ajme mama ča ovo miriše,pa su tote bili…