Riči za opisat kako je to bilo, su suvišne,slike sve govoridu:

Lucifer,je ime ove nazovimo nepogode ča nas je jema par daan strefila i od grinte, zbog vručine, su nan svi okolo za sve krivi,a di neče,jerbo kad vanjska tenperatura priđe granicu ljudske unutrašnje tenperature,onda jednostavno više ne moreš normalno funkcionirat,tako da tenperatura od 42 stupnja i ništo,največa ikad izmirena ovde u nas i te kako utječe na ljudski organizam,a kako je direktno na zvizdanu pokažije i termometar kojega san meka…

Na staromen placu od Ajduka sinoč je bija zanji dan četverodnevne izložbe od pasi,jubilarne, desete po redu, na koju su došli natjecatelji iz cilega svita, sve skupa biče i okolo dvista pasmin od koji jema i oni egzotični ča ji u nas ne morete baš svakodnevno vidit.

Ništa od izvještavanja,samocenzura,lani su mi rekli da jesu mi slike i text. Koga interesira jema vamo u desnomen kantunu ono ča je umorno_joko slikalo i napisalo.

Kad san jednomen nikidan kaživa ove slike travon pokrivene ulice, nije mi virova da je to usri sride sela,točnije u Varošu. I bilo mi je čudno kako je ovo ovako zapušteno pa san iša malo čeprkat, zašto o ovoj ulici-putu ča kroz nju moreš doč od Trpimirove do Petrine niko ne vodi računa? I ča je ispalo,od nji par ča san ji kontaktira,ka da su se dogovorili,jerbo jin je osnova…

Jučera je po ko zna koji put Kurobasa opet vadija kontejner iz mora,ovi put oni plastični koji čin pune malo bure odma gre na kupanac,a kad je več bija u moru,onda je iz očiščenoga mora (čistilo se pri misec daan) izronija i par gum pa su ji izvadili vanka,e i ko govori da nan je stranciman u selu dosadno i da nimadu ča činit,najpri su došli jedni,pa posli nji i…

Dodatak! (Ovo pišen za one ča me kaki.u da vidi strčnjaka,pametnjakoviča,on bolje zna od vatrogasni stručnjakov pa ide protiv njihove izjave i tvrdi suprotno i govori da vaki požar do sad na oviman prostoriman nije bija,pa bi ja sad reka za one ča sinoč nisu gledali Otvoreno ča je izjavija zapovjednik eskadrile Kanaderi kojemu su piloti kad su sletili rekli,:”Zapovjedniče,ovakav požar još nismo vidili,ovo je majka svih požara,ako ne bude…

Jučera su uz zvukove sireni dočekana A i B muška ekipa koje su se sa CTIF natjecanja-Olinpijade koje je održana u Austrijskomen Villachu vratili osvojivši zlatnu kategoriju, ča znači da su se plasirali u gornju trečinu ekipa koje su nastupale,dok je ekipa veterani učinila najbolji rezultat od svi Hrvaski ekip.