A ča je? ništa ne pišeš o onemu šatoru ča je u subotu bija kraj crikve,a? Fermajedu me po selu,a sa zanjin otakin san večeras priča u jednomen trgovačkomen centru i on mi je isto doša, da ča ja mislin o otemu ča je nikidan bilo isprid crikve,a ja njemu govorin,a zanimljivo je da su se pojedinci o tomen raspištoljili,tučedu iz svi kaluni,a još zanimljivije je da oti svi ne…

Na Sokolanu su evo nakon misec daan nego ča je onu ukrelo,jutros mekli novu,kadinu,brojalicu,niko je zove krunicu,oliti ga psihičku barijeru za plivače,jučera je meklo i dvi nove klupe,na Gojaču je danas popodne stavilo priobučivalicu,tako da kad sad sa sebe kupači budedu skidat mokre badiče više neče  tribat činit kerefeke za to napravit,a i ljuljačke su opet u funkciji.

U subotu prolazin ja fičon priko rive i pari mi sve ništo ka čudno,a šta,nima njanci jedne parkirane aute,a subota ujutro,udarna ura kad su kafiči krcati svita. A ča je sad? A počeli su taman oti dan radit bobiji, pa su upozoravali vozače da se držidu prometni propisi.

A o čemu se radi? A radi se o onemu kanalu ča ga činidu od onega potoka ča gre kraj anbulante pa do Gospice. A ča je ovo sto osandeset i trideset korakov? A  to je da su sa radoviman počeli tamo okolo dvadeset drugoga i u to vrime pa do nikidan su za kanal koji san izmirija u korake (nji stoosandeset) izgubili okolo sto i trideset daan,a u ovi…

Danas je malo iza tri ure popodne na području Planoga-Štafiliča krenija požar koji je u malo vrimena, uz pomoč velikoga vitra poprimija katastrofalne razmjere,čak se spominje i da su dvi tri kuče izgorile,nagorile…

Jučera je na poligonu DVD-a Mladost održan četrnajesti po redu Kup Sv. Florijana na kojemu je sudjelovalo dvadeset i sedan ekipa.

Danas okolo jedanajst i kvarat u Marini je planila jedrilica,a veču tragediju su svojom prisebnošču i spretnošču spriječili zaposlenici koji su, kad su vidili da se vatra ne more baš tako lako udunit, odteglili jedrilicu na morsku čistinu,jer bi se u Marini bija dogodija “domino efekt”i ko zna kako bi ta katastrofa završila. E sad,ka po običaju od skupljenoga svita (dvistotinjak) bilo je razni komentari,a ča bi bilo da vatrogasni…

Govori meni ovi jedan ča me ferma u selo. A kako san zaboravija,ča se to tamo radi? E u tomen i je problem, ne radi se ama baš ništa. Nije još meklo onu,kako ti ono zoveš,pribučivalicu,a ni ljuljačke još nisu u funkciji. Ka prvo nije pribučivalica,nego priobučivalica.Ma zovi je kako očeš,na Sokolanu je meklo jema tamo u ponediljak,a ovde je nima. A oli je priša,tek je prvi sedmoga,govorin ja njemu,da…

Ovo je tribalo bit gotovo do izbori, a vidi koliko se produžilo. Lipo mi se gadi poć u anbulantu oli u emezete, a još me veća muka uvati ka se sitin da bi vako moglo bit cilo lito. Vodi li ko o ovome računa i zna li se kad će? neno