Slogan je to koji je jučera na Spliskoj rivi ovjekovječen sa Milenijskon fotografijon,a kojin počinje nova etapa otkupa Ajdukovi dionic koju je udruga Naš Hajduk predstavila navijačiman Ajduka koji je bilo toliko da se mogla bila učinit slika od nikoliko rečenic. A malo posli nego ča se je završilo sa slikavanjen ote Milenijske slike,svi sa rive su gledali put Matejuške,jerbo su ljudi počeli vikat,eno niko upa u more,ali sriča da…

Oni doli znak na banani je slomilo,pa bi ga tribalo napravit.

Ekipa Firule Plakaluša je pobjednik desetoga po redu Prvenstva svita u piciginu koje se ovi vikend održavalo na Bačvican,a prilazni pehar jin je uručila Đurđica Bjedov.

Jema par daan da je okinilo oni čenpres isprid zgrade od knjižnice koji se bija nagnija još kad je bilo ono veliko nevrime 2015.godine. Pošto je posal bija prilično zaht(i)jevan,učinili su to oni ča se veredu i penjedu sa konopiman uz pomoč dizalice koja bi okinuti dijal dizala i micala ča.

Na ovoj doli slici morete vidit zupčanik i sat od helikoptera koji je namiščen na šest i pet,uru kad je helikopter pa. A sičan se ka da je to jučera bilo,a jema san onda trinajst godin, sidija san na balvaniman na pilani navr kuče i gleda kako helikopter pribaca materija sa Mula prema Planinarskomen domu koji se nadograđiva,mater mi je donila niku kapu,jerbo da če me puknit zvizdan u glavu…

U subotu su Sučurački ribari imali akciju čiščenja morskoga dna u kojoj su uz članove društva sudjelovali i ronioci Spliske HVIDRE,ka i ronioci od Zagrebački i naši Sučurački vatrogasac i Kurobasa,a ka ča morete vidit na slikan,u moru svega blaga. Akciju su podržali i novi gradonačelnik Ivanović ka i dogradonačelnica Bosančić koji su na licu mista došli vidit kako se akcija odvija,a isto tako i šta bi se na Sokolani…

U samo dva dana nego ča san napisa da su puknute one skale doli na Sokolanu ča se s njima spušta u more,odma se to popravilo (pridučera),a i oni komad zida ča je bija blizu oti skal je izvađen vanka,one velike stine ča su ji donili, složilo je sa južne bande,a isto tako je po plaži rasulo i dva kamijona novoga žala. E sad dolazi ono nezaobilazno,ali, ove kantunale ča…

Evo je popodne doli na plaži na Sokolani iskrenilo dva tri kamijona veliki stinj i jedino ča ču napisat je da se u selo na svakomen kantunu o tomen priča i spominju se oni doli u opčini u ne tako baš lipomen kontektstu. Inače iz neslužbeni izvori se more čut da su ove stine za nasipat južni dijal uz plažu da jugo sa plaže ne nosi žalo?   P.S.Reka mi…