Sve je počelo u konobi od Ivana Kovača – Matele koji je reka da ovo šta radi je ustvari nastavak onoga šta je njegov dida radija,a tradicija če bit skoro pa sto godin,počelo je tamo oko 1922 godine,pa je onda ispriča priču o prošeku,inače u Dalmaciji se prošek činija u godini kad bi se koje dite rodilo,a načimlja bi se kad bi se oto dite,pričeščivalo,vinčavalo…,a oni kad su bili mladi našli su oto prošeka i kako je bija lip pomalo su ga,a da stariji neznadu pili,a kad je došla prigoda za oto prošeka načet onda su svi  slijegali rameniman,ka ono nimadu pojma di je nesta,na pitanje jeli zadovoljan  ovogodišnjon količinon napravljenoga vina, Ivan je reka da mu nije bitna količina koliko kvaliteta i da je to vino rađeno s ljubavlju,bitno mu je da to vino jema dušu i da oni koji ga jedan put prova, oto vino ostane upečatljivo za cili život,a da je to tako  dokaz su turisti koji kad ponovo dođedu na ovo naše područje pod obavezno svratidu kod Matele za obnovit svoje zalihe ovoga  kvalitetnoga napitka.

Tako da su oni koji su se jučera kod Matele skupili,uživali u lipomen vinu,a bome i u spizi,jerbo ji je Ivan počastija sa bobon na sipu,ček malo ili se reče, sipa sa bobon,a koliko je bilo dobro i teča se lizala… I na kraju, Matela je pripadniciman sedme sile podilija boce Crljenka Kaštelanskoga.