Jutros je bilo živo u selu,polemika se vodila o onoman bilin trakan na kojiman modriman sloviman piše komunalno redarstvo ča su ji raširili da se ne more auton tamo prema rukometnoman igralištu (koje bi još malo nako kakvo je-nikakvo,moglo postat i parkiralište). I odma se počelo beštimat da biče to rastegli da se ne mečedu tamo aute,nego vamo di se mora plačat itd.itd.
A niije,to su mekli zato jerbo se plaža na Sokolani nasipala sa žalon,pa su trake mekli da ostane slobodan prostor,jerbo da su jutros aute bile,ka ča inače budu parkirane uza oni sjeverni zid od bivšega košarkaškoga igrališta onda se kamijon nebi moga okričat,a i nebi baš bilo lipo da kad je tote prolazija bager koju autu slučajno izgrata. Eto na,to je priča zašto su ote trake danas doli na Sokolanu bile rastegnute.E.