U dane okolo Uskrsa u prodaji je puno ča oni, od marcipana ili nazovimo marcipana,plišani,a i živi, zečev,kuniči,patak,piliči…koje ljudi (pogotovo ove žive) mahon kupujedu ne razmišljajuči o tomen da če kasnije imat problema, di če sa njiman? Sičan se tako naza desetak godin kad nas je jedna iz Splita ča je znamo zvala upomoč da joj, ako moremo, smistimo piliča koji to više nije bija, kod sebe,jerbo je naresta,a njoj je bilo žaj ga pustit da ga koja maška ne izi,oli auta satare,a jema svašta,kad otako više neznadu di če sa beštijan jer su jin počeli smrdit ili su naresli pa nisu više tako smišni, ni zabavni ka prije, onda ji se more svugdi nač.pa tako bidne životinjice ni krive ni dužne lutadu po parkoviman,ulican,plažan,moredu se nač u kontejneriman,a koliko daleko ide ta ljudska glupost kažije i puvanje jedne pokondirene tikve koja je pri par godin ovoj jednoj dala ideju da se riješi piliča ka i ona, ča ga je bacila u školjku od zahoda i povukla vodu za njin.

Tako,ako neznate di čete u budučnosti sa malon smišnon životinjicon, koja če kasnije narest i stvorit Van problem,onda je ne kupujte.