Je. Ma vidi je,pari mi ista naka u kakvu san se vozija kad san u sridnju školu odija samo ča je onda bila opiturana u plavo.
I za ove mlade generacije bi reka da smo i mi u ono vrime naza jednu tridesetak godin u autobuse jemali klima uređaje,a priča je išla ovako:”Ej šofer,a ča je,a niman se zašto uvatit sve se klima,a šofer če njemu to su ti klima uređaji.”
A bilo je i šoferi Di đejevi koji su imali najfriškiju muziku snimljenu u kojemu disku,a jedan je ča smo se svi tili sa njin vozit jema u autobusu dva kazetofona tako da dokle je prikriča kazetu nije bilo praznoga hoda. A puno puti bi jedan naš miščanin dokle je bija dite sa materon iša u grad i najdraže bi mu bilo sest iza vozača pa bi ga onda imitira kako vozi samo ča bi dokle bi to činija imitira i zvuk motora tako da je cilo vrime činija aaaan,aaaaan,brum,bruuum,aaan i ono ka kočija pa bi činija škriiiip, a vozaču kad je više dodijalo okrenija se pogleda ga i reka mu:”Ajde mali muči jer ču ti izdušit gume.”