Okolo misec ipo dan dica iz Starčevičeve ulice marljivo su radila na Ajdukovomen muralu koji je sinoč napokon svečano otvoren.
Radilo se tote i po kiši i po zvizdanu i po noči,a prošlu subotu su bili najranije ujutro u sedan uri jerbo je ovo otvorenje ča je bilo sinoč tribalo bit u otu subotu,ali su jin trevile nike tehničke poteškoče,a tili su da sve lipo bude onako kako triba pa su to morali odgodit za sedan dan.I tako se to sinoč napokon i dogodilo, evo i sad se ježin dokle ovo pišen,dica su razmotala natpis na kojemu je pisalo “NEK TI JE LAKA HRVATSKA GRUDA DUJE 1993-2015”,zapalili bengalke i zapivali cestu mira.

P.S. jedan put san bija trevija kad je nika žena prolazila dokle su dica ovo crtala i govori ona da kako ji za ovo ne triba tirat,sami gredu,a za vazest knjigu jin triba jednu miljun puti reč,pa opet zaludu.
Ovako je to bilo dok su radili okolo murala i natpisa:

Sinoč: