Ovu godinu se to malo ranije počelo nego inače,ka ča znamo,lito je bilo pakleno i plod se počeja sušit pa se mislilo kako na stabliman neče ništa ostat,ali je onda došla ona velika kišurina i spasila stvar.
I šta je zanimljivo,dok jedni govoridu da jin je tribalo deset do jedanajst kili maslin za litru ulja,ovi drugi,da jin je tribalo šest ipo do sedan kili za litru,a pa onda ova godina je bila čudna i po količini roda na pojedina mista,dokle se jedni nisu mogli obranit od količine,ovi drugi su se žalili da je ča se roda tiče,bilo desetkovan,evo npr.ča se našega sela tiče na istoku je maslina čudo rodila,a vamo na zapadnu stranu od sela govoridu ljudi da je za nevirovat koliko je rod podbacija.
Evo npr.tamo di mi svaku godinu beremo,na ovo jedno misto je bilo onako,neloše,na ovomen drugomen mistu,di bi uvik samo proletili i svaki put rekli kako čemo ota stabla potaracat,ovi put smo izgubili cili cilcati dan i ubrali ka ča nikad nismo,a vamo,skroz na zapad sela,zemlji di bi i po nikoliko dan znali za ubrat izgubit,ovi put smo u dan ipo sve riješili.Eto.