U subotu se u Kanbelovcu dogodila “Fešta o boba” na kojoj,nima ča se tokon ovi godin ne more nač,a tiče se boba,pa tako jema boba sa manistron,sa hobotnicon,sa tripican,pašticadu od boba,bob sa žigericon,sa artičociman,sa zeljen,pa onda sarma od raščike u koju je umotana riba sa bobon,pa onda bob sa kaštradinon,sa slaninon,bez slanine,bobinčun,pa bob iz močvare,bob sa manistron i pršuton,pa pršut sa bobon, pa onda tote jema palačinki sa bobon,rafijoli sa bobon,pa bobaste palačinke,ružice sa bobon,kruv sa bobon, bob bez kruva,bob sa bobon,pa pašteta sa bobon,bob sa čikolaton ili čikolata sa bobon (nisan siguran kako su ono rekli)pa onda sladoled sa bobon… Uglavnon nima spize koja postoji,a u koju se bob ne umiša,evo ove godine se premijerno pojavila i pica sa bobon,a činila se i pekla na licu mista,a tote je bilo najviše svita u fili, tako da se na ovi dan sladokusci od boba moredu do mile volje nabubat,a jema nji ča to i učinidu pa jin posli toga triba jednu sedmicu dan za doč sebi.