A samo šta je ova buretina počela puvat več nan je dodijala i oni najžešči antijužnovitroviči danas govoridu da kako je ono do jučera bila divota od vrimena,a zanimljivo je kako su to su oni isti ča su brontulali kako jin je puna glava juga i govorili kad če više bura.Ka lako nan je udovoljit,a nikad neču zaboravit beside koje je kad je ono Split bija pod snigon Kerum reka:”Sad san kriv jer je pa snig,a ovo lito kad bude plus tristipet opet ču bit kriv.” A to je tako moradu ljudi ništo govorit.Ma pustimo mi sad ča če bit i šta je bilo nego se uvatimo šta je sad,a vanka je okolo pet stupnjev,puše puno lipa bura koja diko okrene na tramuntanu koja je ladnija od bure (jedinica mire = mašo) tako da molimo Boga da na buri i ostane,more se od morske “prašine” skoro pa i ne vidi,Mosor je pod snigon ranoranioci govoridu da se jutros moga vidit i na Kozjaku,bura okolo nosi sve šta stigne odnit ka ča je ovemu jednome dokle je bija na semaforu doletija komad kartuna i pokrija cilu šoferšajbu, sriča da je sta na mistu. Ako ne morate baš odit vanka ne ajdete ili ostavite za sutra kad zovedu još niže tenperature nego danas,a ako baš morate izlazit neka Van je sa sričon.