Bija san dosad na puno utaknic od Ajduka i Dinama,ali ovoliko događanji zbijeni u devedeset minuti još nisan vidija,pa počnimo od početka,eto na stadijonu mene, male,maloga i Maje-ona,s tin da smo bili strateški raspoređeni,mali naravno na sjeveru,a mi troje podrška na istoku,a sve je počelo skandiranjen ja te volin Hajduče,za da bi se, kad su igrači ulazili, dogodila prava vizualna atrakcija sa sjevera, kad je, dokle su igrači ulazili na teren, Torcida itala bile papiriče i trake nakon koji su usljedile dimne bonbe i bengalke uz povremene niske vatromete,naravno uz urnebesno navijanje i na oti način proslavila svoj rođendan koji je za sedan daan,a nakon urnebesne buke od navijanja i pusti detonacij najedan put muk,špiker je najavija minutu šutnje za preminuloga Antu Ivaniševića, jednoga od osnivača Torcide,tako da je nevjerojatno kako je nakon ote puste buke na stadijonu zavladala takva tišina da se mogla muva čut,e i počela je utakmica,naravno,zbog dima sa malin zakašnjenjen,pa je onda cili stadijon smistija igrača od Ajduka na određena mista,svaki na svoje,jer je ovi iz slobodnoga udarca opizdija u gornju štangu o branke,pa je tote bilo i grube igre,zamalo i fizičkoga okršaja na terenu,pa je onda Ajduk da gol,inače kad ste na stadijonu onda se puno puti dogodi da gol i ne vidite,jerbo gledate svugdi samo ne tamo di triba,ali eto,ovega puta san uspija oti gol čak i slikat,a ča je tek onda bilo u gledalištu, stadijon se doslovce ginga tako da je doslovce parilo ka potres,a ča je najgore otu večer dokle je bila utaknica zabilježen je jedan osamnajst kilometri od Splita,(biče to od navijanja),e onda je bilo poluvrijeme,ka ono sad moremo malo sest i odmorit se, kad je na ekranu ispisalo imena cure i momka ča če je zaprosit i to na dilu istočne tribine prema kojojemu se okrenilo svi dvajstipet iljad gledaoci koji su prosidbu popratili ovacijan i pljeskom, pa je onda tamo u šezdeset i sedmoj minuti utaknica opet malo prikinuta,jerbo je sjever sa bengalkan i dimniman bonban opet bija u plamenu,pa se sa igron počelo kad se razvitrilo,na terenu je bilo sve napetije,jedni drugiman su podapinjali noge,bilo je i situacij na rubu incidenta,turanja….a napetost se prilila i u svečanu ložu Ajduka di su se rukovodeči kadar jedne i druge momčadi jema bit malo „pomazili“ tako da je morala intervenirat i policija,a malo dalje,tamo di su bili smišteni BBB,policija je isto tako morala intervenirat jerbo su u par navrati,šta na teren,usrid igrači,šta prema zapadnoj tribini,usrid gledaoci itnili rakete, a onda su u osandeset i devetoj minuti oni nama dali gol,a ča se sve onda izgovorilo sucu,dvadeset i pet iljad navijači mu je uputilo ponaosob,svak svoju „čestitku“ sa „lijepim željama“, zanimljivo je da je tote pri dodavanju baluna bar nji tri četiri dinamovac bilo u ofsajdu- po novomen zaleđu,a on to ka nije vidija, ma baš je bilo zanimljivo čut kakvi je sve bilo dosjetki upučeno na račun sudac zbog čije greške u suđenju je pa neregularni gol, ča je potvrdija i Mateo Beusan,a dokle smo mi beštimali,eto na i drugi gol su nan zabili,a onda tišina,sad se mudro muči dvajstipet iljad pari očiju pažljivo gleda poteze igrači Ajduka ča če na terenu učinit i dogodilo se čudo,sudac je za Ajduka dodilija jedanajesterac,opet se sve treslo,a kad je naš da gol to je bilo sveopče ludilo koje se ne more sa ničin usporedit,e, a onda je bila situacija di se opet sucu spominjalo sve po spisku,jerbo Ajdu ku nije dodilija i drugi jedanajesterac,ajme meni,ča je to bilo,jema beštimlji ča ji ni ja do sad nisan čuja,e i sad smo svi nestrpljivo čekali kad če sudac svirat kraj utaknice,jerbo kako je krenilo ko zna ča se sve more dogodit,pa ča je sigurno sigurno,bolje i bod nego ništa,e a kako je to bilo očito ča su nan suci činili vidila je čak i moja mala od dvanajst godin,pa me pitala da zašto se ne more doli do suca doč?a zašto,pitan je?a da bi mu baš ona jemala ništo lipo za reč,e i onda san se sitija scene u Velomen Mistu kad su strikan i netijak gledali utaknicu od Ajduka,di je sudac kreja,pa je netijak vazeja stinu da če ga s njon opizdit,a strikan ga zaustavlja i pita, ča to radiš?a ti si strikane kriv ča si me doveja na utaknicu pa san se sad užestija i ne mogu gledat kako nan sudac krede.

E i onda čitan da Dinamo od državni organi,policije, HNS-a… zahtjeva hitnu reakciju i da jin se kod iduči gostovanji na Poljudu osigura minimum uvjeti da bi i osobe iz delegacije Dinama mogle dostojanstveno pratit svoj klub bla,bla…
Najbolje bi bilo da isposlujedu da kad sa Ajdukon imadu utaknicu,Poljud bude bez gledalac,jerbo su navikli da kod nji na utaknican jema samo po koja iljada gledalac,pa jin ovakva atmosvera na Poljudu more ostavit duševne posljedice????