Nima ča se u naše selo,a nebi tribalo,ne čini,a tiče se mora brodi i svega onega ča uz to gre.

Evo jučera se pljucalo u svi šesnajst, da ča je ovo,očemo još u lagum odletit,di su oni ča tribadu ovo spriječit u naše selo se svašta more činit,a ča bi bilo da nije bila zgrada ovod,itd.itd.

A ča se dogodilo,a to kako je došla cisterna sa gorivon i punila jahte,a ka ča čete vidit na jednu sliku,bija je i komunalni redar i učinija kaznu,e sad očemo li opet vidit istu sliku,sve ovisi o visini kazne koja je ispisana,jerbo,ako je kazna siča u odnosu na zaradu,a onda če se sigurno ovo još ko zna koliko puti dogodit,a nije prvi put,jerbo da je i ima desetak daan isto jedna cisterna bila…
Naravno,ka i u svemu i ovde jema oni ča jin je sve jedno,pa je bilo,a ča van smeta da se ovde toči,je li,doda je ovi drugi,a ča onda činidu punpe na moru,to je isto ka da sad uz Magistralu stane koko sa cisternon i zamisto da gremo na punpu natočit,svratimo do njega,pa nan on iz cisterne ulije,ok ima jahti ča u nji more puno nafte stat i moradu cisterne doč,ali se to čini u lukaman,na za to posebno određena mista.

Ovo je slika jedan građanin iz našega sela:

Jema još slik,ali nema smisla da ji mečen, na nji dvi,ovi jedan prema ovemu šta slikaje diže u vis tri prsta,neznan šta mu je to značilo,samo znan da je ovi šta je slike učinija,kad je počeja rat,sve ča je jema proda,kupija pušku i ka Dragovoljac krenija u rat protiv oni ča su isto tako dizali tri prsta i tili nas potaracat.