Radovi od Lučice prema fabrici pomalo ali sigurno napredujedu,to ča bi mi tili da to gre brže je jedno,a stvarnost ništo sasvin drugo i puno nji ča je danas govorilo o ovemu asvaltiranju je drago kako je napokon donji dijal ceste od ove dionice napokon gotov,a svi se nadaju kako se ništa nije zaboravilo,tj.da je sve od instalacij ča je tribalo tote stavit,meklo i da nas neče iznenadit koje novo kopanje.
E sad oče li se uvatit ove dionice sad sa sjeverne bande ili če nastavit sa donjon bandon ceste,to neka bude iznenađenje,bilo kako bilo,bar čemo sad u početku na ovo semafori tribat krače stat,jerbo čedu u odnosu di su sad, bit blizu,bar bi tribali bit,a možda i neče,ko zna…

Dok san činija sliku u kadar mi je upa ovi sa motoron,mava je rukon i ništo govorija,ma ga nisan ništa razumija,biče sigurno koji stranac…