Ovu subotu se dogodila i zanja fešta ovega lita ča su je učinile Sučuraške maškare,neču puno o tomen kako je bilo,jerbo če ispast subjektivno,ali ču spomenit kako je bila lutrija koja je imala toliko nagrad,da je to sve skupa okolo podile trajalo četrdeset i pet minuti,a cili novac od prodane lutrije iša je u humanitarne svrhe,za Darku Ljubenkov koja je nesritnin slučajen,pada na Gojači ostala u invlidskiman koliciman,a novac se sakuplja da bi mogla ič na operaciju na Tajland di bi se ugradnjon elektro simulatori Darki opet vratile funkcije u nogama,a operacija je prilično skupa,nigdi oko 202 000 euri,tako da oni koji bi tili pomoč neka po internetu potražidu informaciju,na koji način moredu uplatit sredstva.

A evo ču,sigurno neču uspit sve,jerbo ko če se svega sitit,bilo ji je okolo dvajstišest,provat nabrojit oto ča se od nagrad podililo,pa je bila sabljarka,očale iz dvi optike,dres Perišiča sa potpisiman Ajdukovi igrači,izlet za dvi osobe Split -Vis-Hvar-Split,poklon paketi od vinarije Putalj i Matela, bojler sa špinon,inox bačva od sto litar,dvi ponistre,večere-obidi u tri restorana,muška njega lica i tijela,ženska njega lica i tijela,kameni satovi sa motivima Sučurca i Ajduka,bon za popravak aute vridnosti od 750 euri od Čolaka…