Od uvik je na ovo ovde naše područje Sveta Lucija u odnosu na Svetoga Nikolu ča se tiče nošenja darov dici bila glavna.Sičan se ka dite Sv.Nikola bi donija ovemu jednomen ča mu je otac navigava,a mi ostali komen se u ote dane nosilo darove smo čekali Sv. Luciju i to baš čekali,jerbo od uzbuđenosti nisi moga ni spavat. A onda tamo početkon devedeseti godin sa svi stran su nas “bonbardirali” sa likon Svetoga Nikole kojega su napravili i od čikolate i kojega se more vidit po ulican,a usput su se sitili i nikoga Krampuseka, koji je za onu ča se ono reče zločestu dicu,a Sveta Lucija se sramežljivo,samo uz put spominje,ali bilo kako bilo današnji roditelji koji su onda ka dica dobivali darove od Sv. Lucije njegujedu i dalje otu tradiciju pa je tako Sv. Lucija i njijovoj dici ona glavna koja nosi darove,a u odnosu na nas naša dica su u kudikamočemu naprednija od nas pa tako i u ovome i zamisto jednoga dara,ka mi oni sad dobijedu dva dara,onoga za Svetoga Nikolu i za Svetu Luciju.