A Riva,Peristil i SV.Duje su mista koja je Split kroza povijest koristija za veselja,a isto tako i negodovanja,pa je tako peristil bija opituran i u crno i u crveno,a tokon oslobođenja Splita u Drugomen ratu niz kanpanejal od SV. Duje razvijena je velika crvena krpa,dok je u ovu sridu sa kanpanela razvijen veliki transparent na kojemu je pisalo o zakonu o sportu,šta je ustvari i glavni razlog velikoj nervozi koja se danas more osjetit u Splitu jerbo se dogodilo ono ča se još nikad nije,a to je da su na predizbornomen skupu HDZ-a navijači Ajduka izrazili nezadovoljstvo zbog neprovođenja zakona o sportu kojega je u saboru izglasala bivša vlada,a za koji HDZ nije diga ruke,a negodovanje je bilo iskazano zvižduciman,poviciman,koje sad neču spominjat da nebi triba cilo vrime pisat biip i transparentiman, stvorile su se tote velike tenzije,a Spliska riva je bila ka jedna velika tenpirana bonba,jerbo su isprid navijači stali specijalci ka štit za da se nebi štako nepredviđeno dogodilo,ma su puno veče tenzije bile sa strane,između ostali prisutni građani ča su na rivu bili,pa su tako ova nika trojica ovome jednomen rekli da neka ide tamo sa orjunon vikat (orjuna-navijači Ajduka) nakon čega je do nji doša jedan ka od planine odvaljen i pita ovega da mu reče koji su to,a kad je ovi upra prston u ove i ovi "planina" doša do nji i izdera se da jin orjuna je.... mater ovi su od straja počeli mucat ka ono nisu oni tako mislili...

A i ja san uša u priču-raspravu sa ovin jednin ča je bija u društvu sa nji par,među ostalin i sa ovin jednin pa moga bi reč bivšin političaren iz Kaštili,kad je niki od nji reka vidi ove srpske Torcide,a prošlo je jednu biče i desetak sekundi nakon ča mi je po glavi rebunbavalo ča je ovi ustvari reka,pa san onda ja njemu reka,a ča je mudrijašu,a kako moreš reč da je Torcida srpska i ja san Torcida i mene si nazva srbinon,a šta si ti umišljaš da si,a onda se ovi niki iša umišat,da neka se smirin,a nemogu se smirit kad me je niko smistija "tamo" jer je njemu tako palo napamet, eto,došlo mu, je dođe ljudiman tako,"mašidu se stinon" i smistidu onega ča jin ne odgovara,na misto di njiman odgovara,jemamo mi u selu dosta taki,a kad mu zagrebeš malo ispod površine onda mu skineeš onu masku ča je na se nabacija,jer kako je tebi reka ča si,tako je on i sebi namistija da bude ono ča mu trenutno triba bit, za da bi moga od otoga koristi jemat,pa se tako u nas u selo more dogodit da je oni ča se busa u prsa ka največa Hrvatina u prošlosti jema babu,a niko i mater ča joj je na prsiman pisalo srpska majka,ali pustimo sad oto za koji drugi put,a ja san onda posli ote rasprave sta i razmislija ča san reka,da san ja Torcida,a neznan ni ko u Ajduka igra,je,lažen,znan za onega maloga Vlašića, od Blanke brata i za tamnoputega "Jozu" eto,to je sve ča ja znan o momčadi Ajduka,ali ja san ponosni Torcidaš i nedan na se,a i pokazalo se na prosvjedu ča ga je Torcida bila na Rivu učinila, ča je to Torcida, jer je na tomen prosvjedu bilo od male dice,od 0 godin,pa do oni najstariji ča su na nogaman uspili doč,jer Torcida nije samo sjever na Poljudu,Torcida je kult,Torcida je,Torcida je brend,Torcida je ono ništo ča se ne da objasnit,rič Torcida sama za sebe sve govori,a ko u današnje vrime more skupit toliko svita ka ča je na ti prosvjed od Torcide došlo,trideset iljad je veelika brojka ča je ove naše stranke moredu samo sanjat,sa prisutniman na skupoviman od lani i od ove godine svi zajedno nisu niti blizu otoj brojci bili.

Bilo je u sridu na rivu svita ča su stali sa strane,nisu bili do ove grupe navijači Ajduka ča je vikala,ali su jin bili velika podrška,jer to je snaga Torcide isto ka i pozadinci u ratu,bez koji si na fronti izgorija ka šunferina,ali to naši političari i te kako znadu,pa se sad očedu svi dodvoravat,svi su sad za primjenu otega zakona,čak je predsjednik HDZ-a reka da mu to šta su navijači vikali nije uopče smetalo,to je demokracija,dok je Miro Kovač reka da je Torcida pomogla u dizanju atmosveru anbijenta i na tome jin zafaljije i dobro je reka kad se pivala himna Torcida je orila,pivajuči Zovi samo zovi svi če sokolovi, Moju domovinu, Torcida je povukla sve prisutne da i oni zapivadu, a tako je bilo cilo vrime,bilo je to stvarno jedan događaj koji u nas još nije viđen,ali, dogodija se u Splitu pa nije čudno.

Nije čudno ni to da su jedan otac i dva sina sa didon došli na rivu (neču ji imenovat)tako da je oti otac iša na predizborni skup,a dida i unuci su bili Torcida. I, kad su se svi od kandidati izredali i kad se svakomen reklo ča se jemalo i izviždalo ga, ka i SDP,na samomen kraju na pozornicu je doša i Plenković koji je isto tako dobija porciju zvižduci i negodovanja,nakon čega je Torcida najedan put umukla i krenila,tako da nikomen nije bilo jasno ča se sad dogodilo i di gredu,a oni su priko Vočnega trga i Pjace prošli kraj Prime i kazališta pa išli prema Staromen placu u svoje prostorije,a cilin puten se orilila pisma Cesta mira.
A šta se tiče predizbornoga skupa,kad je završija onda su išli tamo na drugi kraj rive i bacili jednu u deset punat na basket.Eto,tako je to bilo.