A onda svi trčedu za Bandičen jerbo znadu da čedu dobit koju exkluzivnu izjavu.I sad,evo dok ovo pišen,ne mogu se ne spomenit izjave kad je snig zatrpa metropolu i na upit jednomen od novinari Bandić reka, (pa šta vi mislite da san ja Betmen pa ču vatat pahulje po gradu prije nego šta padnedu na pod?)ili (polizat čemo zagrebački asvalt i izist snig),pa je tako i ovu godinu na prvi ovogodišnji snig izjavija,(neš ti sniga ovo je kao da je piknuo komarac).

I je, mora se priznat da je ča se tiče glavni ulic di prolazidu aute i trotoari di se krečedu pješaci lipo očiščeno,a to ča niki brontuladu da kako nije ovo ili ono,a ko bi sviman udovoljija,npr. kako češ sad udovoljit oniman ča jin je auta parkirana uz cestu kojon je prošla ralica i uz auto mu nanila snig? sad je još biče tribalo i oto okolo aut jin očistit?malo je ča su danonočno lopatali, i itali sol da se ne vata led,jerbo je uz snig bila padala i ledena kiša,a ko nije prova po tomen odit nezna koji je to posebni doživljaj,a usput tribaš gledat prema gori da te ne opizdi koja siga ili te ne zatrpa snig ča pada sa krova.
Vidija san ovega jednoga ča mu je taman dva metra od njega pljuslo jednu kvadrat sniga odisprid nog,bidan je cili problidija,gledajuč prema gori oče li ga opet čako strefit,učinija je veliki kolunbar i da se vamo dalje od kuuč. A baš san se bija pita ča če jin oni pusti natpisi o padanju sniga sa krova kad nigdi ne pada? Eto zato. E.

Bilo kako bilo ma je posal učinjen i Bandić je sve one ča su ove dane radili na čiščenju sniga častija sa pečeniman odojciman.