Evo je doša i dugonajavljivani led,govoridu da je ovaki led ovde u nas zanji put bija pri pedeset i tri godine. I dok su jedni kupovali dodatna drva,pripremali agregate za ako nestane struje da se moredu klimaman teplit,umotavali špine i vodomjere uteplo,u aute ulivali antifrize,jema i oni ča su to olako svatili,pa je danas bilo oni ča su sa autan imali problema,ka i oni ča su jin vodomjeri pucali,a ima bit da je toga bilo krcato,pa se počelo sa pričon kako su prije oni iz vodovoda okolo vodomjeri mečali slamu,pa su onda niko vrime mečali kese sa komadičiman-kuglican od stiropora,a sada se ne stavlja ništa,eno san ja pridučera oni svoj umota,a i na još jedno misto san isto tako meka okolo vodomjera zaštitu,a i dosta nji je to samo učinilo,bolje nego kukat da ga je vrag odnija.

I na kraju,za one ča jin je auta na niskiman tenperaturan vanka,zna se dogodit da sajela od ručne kočnice zna smrznit i vi uredno spustite ručicu,ali sajela se ne vrati,nego ostane nategnuta,a ča se zna zbog toga dogodit san vidija jedan put u Doboju dok san vozija iza jedne aute, kad su ovemu isprid mene doslovno gorila dva zanja kola. Zato pažljivo.