(Govoridu mi kako lomidu jezik za pročitat textove koje pišen,a pogledajte malo kako AI to čini)

Okolo podne ipo naša san se na Spliskoj rivi i čujen niko treštanje muzike,ali u prvome momentu mi je parilo da umišljan,ka da čujen himnu od Dinama?I ča je najgore od svega,nije mi se učinilo,a je li ovo nečija zajebancija,a onda mi je prošlo kroz glavu,ma kome more past napamet danas kad Hajduk igra sa Dinamon,sa otin se zezat…
Kako ja,tako i drugi pogledon smo pratili prema tamo okle je oto muzike treštalo i počelo se upirat prston prema ponistraman od južne bande palače,situacija je iz minute u minutu bila sve usijanija,najedan put su se navijači Hajduka sa svi stran počeli slivat,počelo je negodovanje,a u međuvrimenu je došla i policija

i oni su sad sa Rive gledali okle bi oto treštanje moglo dolazit,a bilo je uporno,oto njiove pisme kako bi završilo,opet bi se iznova ponavljalo,policija se razmilila po uskiman kaletan Dioklecijanove palače i tražila okle muzika trešti,do mene u palači je bija jedan pripadnik navijači Hajduka, koji je na mobitel tražija od svoga kolege ča je bija na rivi da mu prston pokaže okle se muzika čuje,a pa kako mu je ovi kaza,ovi drugi je trča do policije i reka lokaciju okle bi to treštanje tribalo dolazit,jer kad si sa druge strane palače,uopče neznaš di si u odnosu onda kad si na Rivi,a najvjerojatnije je niko iznajmija apartman samo za izvest ovu spačku i napokon se situacija smirila,otoga treštanja više nije bilo i Riva se vratila svome ustaljenome subotnjemu ritmu…

Ima i jedna zanimljivost,dokle san bija na Rivi jedan mi je upra prston prema Lučkoj Kapetaniji,a tamo iza nje se moglo vidit dva momka u crniman dukserican kako nosidu nike skale i to one rastegače,a pa je odma bilo,asti,ovo je ka u Malomen Mistu,je Smoje bija pametan,ok,možda oti nisu imali veze sa ovin današnjin događajen,ali se poklopilo,a i ko zna…