Dodatak!
(Ovo pišen za one ča me kaki.u da vidi strčnjaka,pametnjakoviča,on bolje zna od vatrogasni stručnjakov pa ide protiv njihove izjave i tvrdi suprotno i govori da vaki požar do sad na oviman prostoriman nije bija,pa bi ja sad reka za one ča sinoč nisu gledali Otvoreno ča je izjavija zapovjednik eskadrile Kanaderi kojemu su piloti kad su sletili rekli,:”Zapovjedniče,ovakav požar još nismo vidili,ovo je majka svih požara,ako ne bude mrtvih,Bože hvala ti.”)

Text:
Šta ja sad ovde pametno mogu reč? Mogu jednostavno konstatirat kako je cili sustav zakaza.A i sama izjava gradonačelnika Krstuloviča je sinoč potvrdila ovu moju konstataciju,kad je reka da su se građani bolje snašli i samoorganizirali nego šta je to grad učinija.

Šta radidu civilne zaštite? Postojidu samo na papiru i napravidu koju paradnu vježbu?
Kako se moglo dogodit da ljudi sa svi stran nudidu pomoč,nudidu sebe za poč pomoč sugrađaniman u nevolji,a priko radija ti govori da ne tribadu,jerbo neznadu di če i ča če sa njiman ili da neka se javidu vatrogasciman čiji telefon od velikoga pritiska nemoreš niti dobit?
Kako se moglo dogodit da je jučera Torcida pokazala kako je organiziranija od sustava koji u ovakviman momentiman mora radit ka urica. A dogodilo se to da su u cilomen ovomen opčemu kaosu upravo pripadnici Torcide, koje se oče prikazat huliganiman,divljaciman… svojin tijeliman krenili na vatru i obranili Split.Oče opet bit,ah ti orjunaši?
Torcida koja je kad je vidila da če požar zahvatit istočnu stranu grada u samo po ure vrimena mobilizirala okolo četiristo ljudi tako da je bija problem kako toliko ljudi pribacit do mista požara,pa su krenili razni konbi taxiji, ljudi privatnici,a posli su sa pratnjon policije na motoru došli dva prometova autobusa koji su torcidaše pribacili do rubni dilov grada di su pomagali tamošnjiman stanovniciman u obranu svoji domov.

I puna mi je kapa razni govorancij kako nima mista za paniku i da je ovde i prije bilo slični situacij, ok,možda san ja zaboravija,pa san pita malo one ča su u tomen duuuuugo,duuuugo godin pa su mi potvrdili da ovako ništo ovi naš bazen nije nikad doživija.
I ča sad? A ništa, ostanimo malo u nogometnomen žargonu i vidimo ča se tamo radi kad se izgubi koja važna utaknica,a minjadu se treneri,jerbo nisu dobro koordinirali da na terenu sve štima kako triba, a eto, ja koji nisan vatrogasac, ali san od mali nog pa do dana današnjega bar ča se našega sela tiče,bija na svakomen požaru,pročita razne stručne literature o požariman jerbo me to onda interesiralo, a i da nisan,jučera u po ure vrimena kad san vidija onu mladu borovinu,pa kad san na licu mista vidija kako bura dere,uz oganj koji stvara dodatne vrtloge vitra koje niko ne more predvidit i da zbog toga kanaderi ne moredu letit,plus koliko je u po ure dokle san doša gori vatra sve progutala,onda bi ja da san bija na mistu oni koji takve procjene donosidu odma ujutro bija mobilizira sve raspoloživo ča je trenutno u državi bilo na raspolaganje,pa se nebi dogodilo, ka ča su mi ljudi ča su branili svoje kuče i imovinu rekli da napišen kako su se sami obranili,ovi jedan vidičete na slikaman,drža je gumu od po cola u ruci kroz koju je zbog slaboga pritiska voda jedva odila i tako gasija vatru ,neka od vručine nisi moga uopče stat tote di je on bija,(ni deset metri dalje) a on je čovik uporno tote sta,neka je gorija i on i guma i ona voda ča je iz nje izlazila,neka ako triba i on izgorit,ali kuču če spasit i kad san tote u par stotin metri vidija ča ljudi radidu od sebe za spasit svoju imovinu onda san tote i osta sve dokle se smračilo,eto nisan puno pomoga,ono ča jin je tribalo,a i ljudiman ne triba puno,samo mu malo pruži ruke kad je u nevolji,a i bilo jin je drago da smo nas par eto tako, tote uz nji,da nisu sami.

Svašta san jučera vidija,čovika kako prolazi kroz koridor vatre na motorinu kojega niko nije uspija zaustavit,a koji je vika da su mu dica sama u kuči,pa ženu u auti koja se isto probijala kroza vatru jerbo je mater zvala na telefon,a ona jon je rekla da neče napustit kuču,da ako triba izgorit če sa njon itd.itd.

O ogorčenosti ljudi zbog današnjega posjeta premijera Plenkovića opožarenomen području i sastanka u kriznomen stožeru nebi,govoridu ljudi,da ča nisu svi zajedno jučera seli u vladin avijon i bili s naman kad nan je tribalo?Danas nan ne triba.
I na kraju da vidimo koliki su to katastrofalni razmjeri ovoga požara?
Usporedit ču ga sa onin požaron ča je bija pri par godin,kad je gorilo od Solina pa do Sučurca (isto borovina) i to je u računici ispalo okolo 2,5 –dva ipo kvadratna kilometra.
Ovo jučera ča je gorilo računa se nigdi okolo 45 – četrdeset i pet kvadratni kilometri.